Baqytjan Saǵyntaev Almatydaǵy JOO rektorlarymen kezdesti

ALMATY. QazAqparat – Almaty ákimi Baqytjan Saǵyntaev qaladaǵy joǵary oqý oryndarynyń rektorlarymen keńes ótkizdi. Bul týraly shahar basshysy Facebook-tegi paraqshasynda jazdy, dep habarlaıdy QazAqparat tilshisi.

«Qalanyń joǵary oqý oryndarynyń rektorlarymen keńes ótkizdim. Áleýmettik-ekonomıkalyq blok máselelerin qaradyq, olar: Elbasynyń «Bes áleýmettik bastamasy» aıasynda jataqhana salý; burynnan bar jataqhanalardyń sanıtarlyq-epıdemıologııalyq jaǵdaılary, stýdenttik ortada qaýipsizdikti qamtamasyz etý», - dep jazdy ol.

Sondaı-aq Almaty ákimi, stýdentterdiń áleýmettik-turmystyq jaǵdaılary, joǵary oqý oryndary rektorlarynyń basty nazarynda bolýy tıis ekenin tilge tıek etti.