Baqytjan Saǵyntaev Almatydaǵy LRT qurylysy týraly aıtty
ALMATY. QazAqparat - Almaty ákimi Baqytjan Saǵyntaev Almatydaǵy LRT qurylysy men avtobýstyń jetispeýshiligi týraly aıtty, dep habarlaıdy QazAqparat tilshisi.
«Almaty» telearnasynyń tikeleı efırinde qalanyń Almaly aýdanynyń turǵyny ákimnen qoǵamdyq kólikpen qamtamasyz etý máselesi qashan sheshiletinin surady.
«Almaly aýdanynda ǵana emes, jalpy qalada qoǵamdyq kólikti damytý máselesi tur. Birinshiden, avtobýs nemese trolleıbýs túrindegi qoǵamdyq kóliktiń sanyn kóbeıtkimiz keledi. Bul boıynsha tıisti jumys júrgizilip jatyr. Jyl sońyna deıin gazben júretin 200 jańa avtobýs qala kóshelerine shyǵady. Sonymen qatar, jeke tasymaldaýshylar qosymsha taǵy 250 avtobýs satyp aldy. Olardyń barlyǵy qalaǵa jetkizildi. Zańǵa sáıkes Almaty qalasy megopolısten 50 shaqyrym qashyqty qoǵamdyq kólikpen qamtamasyz etýi kerek. Sondyqtan bizde áli de qoǵamdyq kólik jetispeıdi. Kelesi jyly ákimdik te, jeke tasymaldaýshylar da «BRK-Lızıng» arqyly jańa avtobýstar satyp alady «, - dedi ákim.
Sonymen qatar, qala basshysy Almatydaǵy jeńil relsti kólik jobasyna da toqtaldy.
«Qarjy modeli áli tolyq ázirlenbegendikten, suraq áli ashyq kúıinde qalyp otyr. LRT jobasyna jumsalatyn aqshany esepteýimiz kerek. Qazir biz mamandarmen birge osy máseleni pysyqtap jatyrmyz.Tóle bı kóshesinde jumys toqtaǵan joq. ıAǵnı LRT jelisin tartýǵa daıyndyq júrgizilýde. Sondaı-aq, BRT jobasynyń merzimin uzartý máseleleri de talqylanyp jatyr. Jalpy alǵanda, kólik strategııasyn odan ári ilgeriletý kerek, onyń ishinde velojol da bar. Biz qoǵamdyq kólikti damytýdyń barlyq múmkindigin paıdalanýymyz kerek. Biz adamdardyń jeke kólikten qoǵamdyq kólikke aýysýyna jaǵdaı jasaýymyz qajet», - dedi Baqytjan Saǵyntaev.
