Baqytjan Saǵyntaev Almatydaǵy qurylys jumystaryn baqylaýdy kúsheıtýdi tapsyrdy
NUR-SULTAN: QazAqparat - Almaty qalasynyń ákimi megopolıstiń qaýipti aımaǵynda salynyp jatqan qurylysqa baqylaýdy kúsheıtýdi tapsyrdy, dep habarlaıdy QazAqparat tilshisi.
«Medeý aýdanyn aralaǵan kezde Gornyı qıylysyndaǵy ýchaskeni kórdim. Birqatar jeke úıler qaýipti aımaqqa salynǵan ári jyl saıyn jaýynnan topyraq shaıylyp, alańdaýshylyq týǵyzýda. Sondyqtan ákimdik pen TJD bul máseleni durys sheshý boıynsha usynys berýleri tıis. Budan bylaı ókiletti qurylymdar jeke túrǵyn úı salý úshin jer bólý kezinde tabıǵı qubylystardy eskere otyryp, qaýipsizdikti basty nazarda ustaǵandary abzal. Qurylysqa baqylaýdy barynsha kúsheıtý qajet», - dep jazdy Almaty qalasynyń ákimi Facebook-tegi paraqshasynda.
