Baqytjan Saǵyntaev Almatyda karantın engizýdegi sebepterdi atady
ALMATY. QazAqparat – Almatyda karantın rejıminiń engizilýine baılanysty qala ákimi Baqytjan Saǵyntaev turǵyndarǵa úndeý jarııalady, dep habarlaıdy QazAqparat tilshisi.
«Qurmetti, almatylyqtar! Turǵyndar úshin jyldam artyp kele jatqan qaýip bizdi jyldam sheshim shyǵarýǵa májbúr etýde. Sondyqtan men Tótenshe jaǵdaı rejımin qamtamasyz etý jónindegi memlekettik komıssııaǵa qalada karantın engizý týraly usynys engizdim. Bul sheshim 1 saǵat buryn qabyldandy. Qalada karantın 19 naýryzda túngi saǵat 00:00-de engiziledi. Almatydaǵy karantınniń basty maqsaty – ınfektsııanyń tez taralýyn toqtatý. Mindet - qalanyń syrtqy perımetrinde ınfektsııanyń taralmaýyn qolǵa alý jáne qatań karantın arqyly ınfektsııanyń taralý joldaryn toqtatý, úı karantıni jáne ózin-ózi oqshaýlaý mehanızmi arqyly epıdemııaǵa qarsy aýqymdy is sharalardy júrgizý», - dedi Baqytjan Saǵyntaev.
