Baqytjan Saǵyntaev Almatyda 1 mln aǵash otyrǵyzýdy usyndy
ALMATY. QazAqparat - Almatydaǵy TES-2-ni gazǵa aýystyrý máselesi 2020 jyldyń kókteminde belgili bolady, dep habarlaıdy QazAqparat tilshisi.
«Biz eń aldymen Almatynyń aýasyn jaqsartýymyz qajet. Qalada 2 mıllıonǵa jýyq aǵash bar, alaıda olardyń 500 myńǵa jýyǵy aýrýǵa shaldyqqan. Sondyqtan men kúzde «Jasyl Almaty» úsh jyldyq jobasyn júzege asyrýdy bastaýdy usynamyn. Kem degende mıllıon jańa aǵash otyrǵyzamyz. Bul aýqymdy aktsııa, sondyqtan qala turǵyndaryn osy sharaǵa atsalysýǵa shaqyramyn», - dedi Almaty qalasynyń ákimi Baqytjan Saǵyntaev Konstıtýtsııa kúnine arnalǵan saltanatty jınynda.
Ákim, statsıonarlyq kózderden shyǵatyn lastaýshy zattardyń 93% -y qalanyń tómengi bóligindegi Alataý, Jetisý jáne Túrksib aýdandarynda paıda bolatyndyǵy týraly aıtty.
«Biz úkimetpen jáne « Samuryq-Energo » AQ zııandy zattar shyǵaryndylaryn azaıtý boıynsha belsendi jumys jasaı bastadyq. Men TETs-2-ni gazǵa aýystyrý múmkindigin zertteýdi tapsyrdym. Zertteý nátıjeleri kelesi kóktemde daıyn bolady. Sodan keıin bári belgili bolmaq», - dedi ákim.
