Baqytjan Saǵyntaev Almaty oblysynda áleýmettik nysandardyń jumysymen tanysty
ASTANA. QazAqparat - QR Premer-Mınıstri Baqytjan Saǵyntaev Almaty oblysyna jumys sapary barysynda áleýmettik ınfraqurylym nysandarynyń jumysyn baǵalady. Solardyń ishinde kópbeıindi aýrýhana, Jastarǵa qyzmet kórsetý ortalyǵy jáne Taldyqorǵan qalasynyń Oqýshylar saraıy bar, sonymen qatar 2016-2019 jyldarǵa arnalǵan «Densaýlyq» baǵdarlamasyn iske asyrý barysy men óńir mektepterindegi úsh tilde bilim berýge aýysýǵa daıyndyq barysy týraly baıandamalardy tyńdady.
Taldyqorǵandaǵy kópbeıindi aýrýhanany aralaý kezinde Baqytjan Saǵyntaev klınıkalyq-dıagnostıkalyq bólim men az ınvazıvti bólimdi, sonymen qatar kompıýterlik jáne magnıtti-rezonansty tomografııa kabınetterin aralady.
QR Premer-Mınıstri «Densaýlyq» baǵdarlamasy aıasynda jańa nysandar qurylysy men materıaldyq-tehnıkalyq bazanyń jańartylýy júrgizilip jatqanyn aıtty. Bıyl oblysta aýyldaǵy medıtsına qyzmetteriniń sapasyn arttyrýǵa múmkindik beretin alty dárigerlik ambýlatorııanyń qurylysy aıaqtalady.
Jalpy oblys halqyna 826 mekemede medıtsınalyq kómek kórsetiledi, onyń ishinde 663 - memlekettik, 163 - jekemenshik mekeme. QR Premer-Mınıstrine mamandandyrylǵan JQQO-nyń aǵymdaǵy jaǵdaıy týraly baıandaldy, onda ınternet-kitaphana, «Jasyl el» oblystyq shtabynyń kabıneti men jastarǵa qyzmet kórsetý bólimi jumys jasaıdy. 2016 jyly salynǵan Ortalyqta jyl saıyn oblystyń 700-ge jýyq jas turǵyny ózekti máselelerdi sheshýde kómek alady.
Mundaı ortalyqtar jastarǵa praktıkalyq kómek berip qana qoımaı, QR Úkimeti tarapynan qoldaý sharalary týraly paıdaly aqparat usynady. Osylaısha, «Jastar is-tájirıbesi», «Dıplommen - aýylǵa» jáne «Jasyl el» baǵdarlamalarynyń arqasynda stýdentter men túlekter maýsymdyq jáne turaqty jumys oryndarymen qamtamasyz etiledi. Sondaı-aq, bıyl kásibı-tehnıkalyq bilim berý baǵdarlamalaryn júzege asyrý bastalady, ol jastarǵa jumysshy mamandyqtardy tegin alýǵa múmkindik beredi.
Oqýshylar saraıyn aralaý kezinde Baqytjan Saǵyntaevqa óńirdegi mektepterdegi úsh tildi bilim berýge kóshýge daıyndyq jaıy baıandaldy. Sonymen qatar, daryndy balalarǵa arnalǵan mamandandyrylǵan mektepter bazasynda jáne «Bilim - Innovatsııa» lıtseılerinde jaratylystaný-matematıkalyq tsıkl pánderi aǵylshyn tilinde oqytylady. Aıta ketý kerek, Memleket basshysynyń tapsyrmasyna sáıkes, adam kapıtalynyń sapasyn arttyrý Qazaqstandaǵy ekonomıkalyq ósimniń jańa úlgisin qalyptastyrý kezindegi basymdyqtardyń biri retinde kórsetilgen. Osyǵan oraı, QR Úkimeti áleýmettik ınfraqurylymdy damytý men densaýlyq saqtaý jáne bilim berýdiń zamanaýı júıelerin qalyptastyrý boıynsha keshendi jumystar júrgizýde.
