Baqytjan Qanapııanov: Dárigerler, áskerıler, polıtsııa qyzmetkerleri ár kúnin erlikpen ótkizýde
«Keshe barlyq qazaqstandyq Memleket basyshysy Qasym-Jomart Toqaevtyń málimdemesinen úlken áser aldy. Onyń málimdemesin aqyn, jazýshy retinde «Árqaısymyzben birge» dep sıpattar edim. Dárigerlerdiń, áskerılerdiń, polıtsııa qyzmetkerleriniń jáne karantınde otyrǵan azamattardyń erlikpen ótkizip jatqan kúnderi Memleket basshysynyń nazarynda. Halyqqa, sonyń ishinde eń aldymen dárigerlerge materıaldyq kómek kórsetiledi. Aq halatty abzal jandar HHІ ǵasyrdaǵy indet kezinde aldyńǵy shepte kele jatyr. Árqaısymyzdyń kókeıimizde «Biz birgemiz» degen sóz tur. Osylaı jalǵasa berýin tileımin», - deıdi aqyn Baqytjan Qanapııanov.
Sondaı-aq, ol dárigerlerge qandaı kómek kórsetiletini týraly toqtalyp ótti.
«Memleket basshysy keshegi málimdemesinde «Dárigerlerge jáne medıtsına qyzmetkerlerine 3 aı boıy qosymsha ústemeaqy tólenedi. Medıtsına qyzmetkerleriniń ómirin saqtandyrý máselesi de sheshimin tapty. Árıne, aq halatty abzal jandar budan da zor qoldaýǵa laıyq» dedi. Rasymen de, dárigerler vırýs juqtyrǵan adamdardyń problemamen jalǵyz betpe-bet qalmaýy úshin kúresip, bar kúsh-jigerin salýda. Osy oraıda úkimet te olardy materıaldyq, rýhanı turǵyda qoldaý kórsetkeni qýantady», - dedi ol.
Aıta keteıik, keshe Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.
