Baqytjan Bazarbek jelide taraǵan kazınodaǵy fotosyna qatysty túsinik berdi

ASTANA. QazAqparat – Áleýmettik jelilerde Májilis depýtaty Baqytjan Bazarbektiń kazınoda otyrǵan fotosy tarady. Osy oraıda halyq qalaýlysy jaǵdaıdy túsindirdi, dep habarlaıdy QazAqparat tilshisi.

«Foto osydan 7 aı buryn, men Májilis depýtaty bolmaı turyp túsirilgen», - dep jazdy Baqytjan Bazarbek Facebook paraqshasynda.

Málimdeýinshe, Májiliske deıin ol jer máseleleri boıynsha kommertsııalyq zańger bolyp jumys istegen. Buryn-sońdy memlekettik qyzmetterde jumys istemegen.

«Kommertsııalyq zańger retinde ýaqytymdy qaıda jáne qalaı ótkizýdi jeke másele dep oılaımyn», - deıdi halyq qalaýlysy.

Sondaı-aq, B. Bazarbek fotosynyń jelide taraýyn sońǵy ýaqytta Májilis trıbýnasynda ózekti jáne jer máselelerin kóterýimen baılanystyrady.

«Oıyn bıznesine qarsymyn, tyıym salýdy qoldaımyn. Bul týraly Parlament Májilisiniń jumys toby otyrysynda aıtqan bolatynmyn. Oıyn bıznesine tyıym salý kerektigi týraly petıtsııa jarııalansa birinshi bolyp men qol qoıamyn», - delingen jazbada.