«Baqytty otbasy»: Tarazda 300-den astam adamnyń qujaty qabyldandy
TARAZ. QazAqparat – Taraz qalasynda «Baqytty otbasy» baǵdarlamasy aıasynda 319 adamnyń tólem qabileti rastaldy, dep habarlaıdy QazAqparat tilshisi.
Qazirgi tańǵa deıin Taraz qalasy boıynsha atalmysh baǵdarlama aıasynda 941 joldama berildi. Onyń ishinde 351 adamnyń qujattary bankke qabyldanǵan. Bul týraly qala ákimi Qaırat Dosaev jetkizdi.
«Búginde 319 adamnyń tólem qabileti rastaldy, 32 adamnyń qujattary qaralýda. Sonymen qatar, aǵymdaǵy jyldyń tamyz aıynan bastap kópbalaly otbasylarǵy jekeshelendirý quqyǵynsyz 142 páter qala aýmaǵynan satyp alyný ústinde jáne Taraz qalasy, «Qarasý» shaǵyn aýdanynda oblys ákiminiń tapsyrmasy boıynsha 180 páterli tórt jataqhana soǵylyp, kezekte turǵan kópbalaly otbasylarǵa zań aıasynda úlestiriledi»,-dedi Qaırat Dosaev.
Aıta keteıik, turmysy tómen kópbalaly otbasylardy qoldaýdyń «Baqytty otbasy» keshendi baǵdarlamasy «Qazaqstannyń turǵyn úı qurylys jınaq banki» AQ arqyly júzege asyrylýda. Onda 10 paıyz bastapqy jarna, 2 paıyz jyldyq ústemaqy, qaıtarý merzimi 19 jylǵa qarastyrylǵan. Baǵdarlama sharttaryna sáıkes, memlekettik qordan páter alý kezei tizimine «Tolyq emes otbasy», «Kópbalaly otbasy», «Múgedek bala asyraýshy otbasy» sanattary boıynsha tirkelgen azamattar qatysa alady.
