«Baqytty otbasy» psıhologtary almatylyq qansha jupty tatýlastyrdy
«Baqytty otbasy» pılottyq jobasy aıasynda Qazaqstannyń 8 qalasynda atap aıtqanda, Nur-Sultan, Almaty, Qaraǵandy, Atyraý, Óskemen, Taraz, Kókshetaý jáne Qostanaıda 12 ortalyq jáne otbasylyq resýrstardy qoldaý boıynsha 4 keńse jumys istedi. Onda psıhologtar, áleýmettik qyzmetkerler, zańgerler men medıatorlar qazaqstandyqtarǵa otbasyn qurý nemese ajyrasý jaǵdaılarynda psıhologııalyq, áleýmettik, quqyqtyq kómek kórsetti.
«Statıstıkalyq kórsetkish boıynsha, Qazaqstanda neke qurǵan ár úsh otbasynyń biri ajyrasady eken. Sońǵy bes jylda elimizde tirkelgen nekeniń sany azaıyp, ajyrasýlardyń sany kóbeıgen. Ásirese, úılengenderine 5 jyldan asqan jas otbasylardyń arasynda nekeni buzý jıi kezdesedi», - deıdi Almatydaǵy «Baqytty otbasy» otbasylyq resýrstardy qoldaý ortalyǵynyń basshysy Aleksandr Bratenkov.
Ortalyqtyń psıhology Gaýhar Ońjanovanyń málimetinshe, 1 maýsym men 30 qarasha aralyǵynda ortalyqqa 2566 adam júgingen. Onyń 2423-i – ajyrasý máselesi boıynsha. Bul – 20-77 jas aralyǵyndaǵy adamdar. Ótinish bergen 1898 otbasynyń balalary bar jáne tek 1270 januıa (66,9%) balalardyń aldaǵy ýaqytta turatyn jeri týraly másele kótergen. Mamandardyń keńesterinen keıin 871 otbasy tatýlasýǵa daıyn ekendikterin jetkizdi.
Brıfıng barysynda, Áýezov aýdanynyń sýdıasy Baqytkeldi Turlybekov ajyrasqandardyń sanyn tilge tıek etti.
«2018 jyldyń qazan aıynan bastap bizdiń sot osy pılottyq jobamen birge jumys isteýde. Ajyrasýǵa ótinishter sany 2017-2018 jyldarmen salystyrǵanda azaıǵan joq. Ótken jyly bizdiń aýdandyq sotqa on aı ishinde aıyrylysýǵa 1292 ótinish kelip tústi. Onyń 810-y ajyrasýmen aıaqtaldy. Sońǵy on aıda, ıaǵnı bıyl 1500 ótinish tústi», - dedi ol.
Sarapshylar tatýlasýǵa qarsylyq bildirý nekede bir nemese eki jyl bolǵan jas otbasylyq juptarǵa tán ekenin atap ótti.
«Biz jastarmen kóp kezdestik. Olardyń basym bóligi otbasyn qurýǵa daıyn emes. Máselen, bizden keńes alýǵa kelgen jas jubaılar otbasy qundylyqtary týraly eshteńe bilmeıdi. ıAǵnı, olar otbasylyq ómirge áli daıyn emes»,– dep túsindirdi Gaýhar Ońjanova.
Onyń pikirinshe, ajyrasýdyń sebebi – bul negizinen jumyssyzdyq, ishimdik, esirtki, erli-zaıyptylardyń jeke ómirine ata-analardyń aralasýy.
Psıhologtyń pikirin Aleksandr Bratenkov ta qoldaıdy.
«Ókinishke oraı, ınfantılızm uǵymy burynǵydan da artyp keledi. Jas jigitter ózderin bala sııaqty ustaıdy. Óz betinshe sheshim qabyldaı almaıdy. Qazir jastar úshin neniń durys, neniń burys ekenin ata-analary sheshedi. Tipti, otbasyn qurý kezinde de ata-anasy aralasady. Sondyqtan jastar otbasylyq ómirdegi qıyndyqtarǵa tótep bere almaıdy, máseleni ajyrasý arqyly sheshedi», - dep túsindirdi ol.
Sonymen qatar, sarapshylar Qazaqstanda otbasylyq qarym-qatynastar mádenıeti men ajyrasýǵa qatysty órkenıetti kózqaras qalyptastyrý kerek dep sanaıdy.
Aıta keteıik, «Otbasylyq sottar janyndaǵy «Baqytty otbasy» otbasyn resýrstyq qoldaý ortalyqtaryn ashý» áleýmettik jobasy QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty esebinen iske asyryldy. Grant ıegeri –«Daǵdarys ortalyqtary odaǵy». Jobanyń seriktesi QR Joǵarǵy soty.
