«Baqytty otbasy» kópsalaly ortalyqtary Almaty turǵyndaryna qandaı kómek kórsetedi

ALMATY. QazAqparat - Almatyda muqtaj otbasylardyń ómir súrý sapasyn arttyrýǵa baǵyttalǵan 9 «Baqytty otbasy» ortalyǵy jumys isteıdi. Mamandar qala turǵyndaryna qıyn jaǵdaıda kómektesedi, oqytý men keńes beredi. Bul týraly Óńirlik kommýnıkatsııalar qyzmetiniń brıfıngisinde Almaty qalasy «Baqytty otbasy» ortalyǵynyń jetekshisi Zýlfııa Baısakova málim etti, dep habarlaıdy QazAqparat tilshisi.

Onyń aıtýynsha, kópbalaly jáne az qamtylǵan otbasylarǵa jan-jaqty kómek kórsetý maqsatynda 2019 jyldyń tamyz aıynan bastap Almatynyń ár aýdanynda «bir tereze» qaǵıdaty boıynsha «Baqytty otbasy» ortalyqtary jumys isteıdi.

Almatyda 30 339 kópbalaly otbasy turady. Kópbalaly analardyń 4 855-i «Altyn alqa», «Kúmis alqamen» marapattalǵan. Sonymen qatar, 1 300-den astam otbasy ataýly áleýmettik kómek alady.

«Baqytty otbasy» ortalyqtarynda psıhologııalyq jáne zańgerlik kómek kórsetiledi, jumys tabýǵa kómektesedi, bos ýaqyt is-sharalaryn uıymdastyrady.

«Bizdiń ortalyqtarda analar men olardyń otbasylaryna profıldik kýrstardan ótýge kómektesetin «Isker Ana» baǵdarlamasy jumys isteıdi. Kásipkerler palatasynda áıelder kásipkerlik negizderine oqytylady. Osy baǵdarlamanyń arqasynda kóptegen analar óz bıznesterin ashty. Bizde jaqsy mysaldar bar, olar – azyq-túlik jáne kıim-keshek saýda oryndary, Áýezov aýdanyndaǵy aspazdyq tseh, qalanyń bes aýdanyndaǵy tigin tsehtary», - dedi Zýlfııa Baısaqova.

Zýlfııa Baısaqova atap ótkendeı, «Baqytty otbasy» ortalyqtarynda otbasylyq qundylyqtardy dáripteıdi, otbasyn qurmetteý jáne óskeleń urpaqty adamgershilik jáne rýhanı saý tárbıeleý dástúrlerine qaıta oralady, kóp balaly otbasylardyń laıyqty ómir súrý jaǵdaılaryn jasaýǵa kómektesedi, osylaısha qoǵamnyń sanaly ata-ana jaǵyna qozǵalysyn yntalandyrady.

Kópbalaly otbasylardyń basym bóligi Alataý aýdanynda turady, sondyqtan «Baqytty otbasy» ortalyǵynan basqa onda dástúrli qolónerdi damytý ortalyǵy ashyldy.

Osy ortalyqtyń arqasynda 12 myń adam oqytý kýrstarynan ótti, myńnan astam áıel óz isin ashýǵa jáne damytýǵa (tigin sheberhanalary, aspazdyq, tıpografııa, Sulýlyq stýdııalary) óteýsiz granttar aldy.

Zýlfııa Baısaqova «Baqytty otbasy» ortalyqtaryn otbasylardyń problemalaryn ózderi jaqsy biletin, olarmen tyǵyz jumys júrgizetin, olardyń problemalaryn sheshetin jáne qajetti arnaǵa jiberetin kóp balaly analardyń ózderi basqaratynyn atap ótti.

«Baqytty otbasynyń» esigi árdaıym ashyq, munda jańa adamdarǵa, jańa qatysýshylarǵa, jańa usynystar men ıdeıalarǵa qýanyshtymyz», - deıdi ol.