«Baqytty otbasy»: Qazaqstanda Otbasy kúnine arnalǵan sharalar ótip jatyr

17 qyrkúıek kúni Almaty qalasynda «Otbasy - eń baǵaly kapıtal» taqyrybyndaǵy kezdesý bolyp ótedi. Oǵan áıelderdiń respýblıkalyq qoǵamdyq keńesiniń músheleri, partııanyń aımaqtyq fılıalynyń basshylyǵy, partııa fılıaly Saıası keńesiniń músheleri, «Áıelderdi qoldaý» sarapshylar tobynyń músheleri, «Partııanyń 50 tulǵasy» jobasynyń qatysýshylary, JOO-nyń rektorlary, stýdentter qatysady. Atap óteıik, atalǵan sharaǵa beınekonferentsııa arqyly sondaı-aq eldiń basqa aımaqtaryndaǵy stýdenttik jastar qatysady.

11-19 qyrkúıek kúnderi Almaty qalasynda bastapqy partııalyq uıymdardyń músheleri otbasy qurǵandarynyń altyn toılaryn atap ótetin erli-zaıyptylardy quttyqtaıdy. Al 12 qyrkúıekte «Family Park»-ta «Qosjúrektiń lúpili» kontserttik baǵdarlamasy ótedi.

25 qyrkúıekte Aqmola oblysynda «№2 Aqkól saılaý okrýgi» BPU-nyń qoldaýymen polıtsııada qyzmet etetin áýletter jáne otbasylyq juptarmen kezdesý ótedi.

Pavlodar qalasynyń Mádenıet jáne demalys Ortalyq saıabaǵynda 13 qyrkúıek kúni EMU-nyń «Bir otbasynda turamyz» jazǵy festıvaliniń sońǵy kontserti bolyp ótedi. Sharaǵa «№6 saılaý okrýgi» BPU qatysady.

Partııanyń Batys Qazaqstan oblystyq fılıalynda 21 qyrkúıek kúni eńbek ujymdaryndaǵy jas otbasylar úshin «Ónegeli otbasy» taqyrybyndaǵy semınar-trenıng bolyp ótedi. 11 qyrkúıekte Shyńǵyrlaý aýdandyq fılıalynda kópbalaly otbasylardyń arasynda «Úzdik otbasy» baıqaýy ótti.