Baqytgúl Hamenova ózine taǵylǵan aıypty moıyndaǵan joq
Budan buryn Atyraýda Baqytgúl Hamenovaǵa qatysty sot ótip jatqanyn jazǵan edik.
Baqytgúl Hamenovaǵa qatysty is Atyraýdaǵy №2 qalalyq sotta qaralyp jatyr.
Sotta Baqytgúl Hamenova ózine taǵylǵan aıypty moıyndamaıtynyn málim etti.
Baqytgúl Hamenova men Aqylbek Rysqalıevtyń isi QR Qylmystyq kodeksiniń 366-babynyń 3-bóliginiń 3-tarmaǵymen tergelgen. Al, «Balqytý» JShS dırektory Ómirtaı Adamov QR Qylmystyq kodekstiń 367-babynyń 2-bóligimen tergeýge alynǵan.
Baqytgúl Hamenova isine qatysty aıyptaý aktisi 55 betti quraǵan.
Atyraý oblysy ákiminiń orynbasary qyzmetin atqarǵan Baqytgúl Hamenova Abaı eskertkishin ornatýǵa bólingen qarajattan para aldy degen kúdikpen ustaldy. Ol byltyrǵy jeltoqsan aıynda ustalyp, tergeý ızolıatoryna qamaýǵa alynǵan.
Baqytgúl Hamenova 2020 jylǵy 13 naýryzda Atyraý oblysy ákiminiń orynbasary bolyp taǵaıyndalǵan bolatyn. Ol bul taǵaıyndaýǵa deıin altynshy saılanǵan Parlament Májilisiniń depýtaty bolǵan.
Eske sala ketelik, budan buryn Baqytgúl Hamenovaǵa qatysty sot otyrysy 11 tamyzǵa aýystyrylǵan edi.