Baqytgúl Hamenova koronavırýsqa qarsy vaktsına saldyrdy
Oblystyq densaýlyq saqtaý basqarmasy baspasóz qyzmetiniń málimetinshe, qaýipti vırýsqa qarsy «Spýtnık V» vaktsınasynyń 1000 dozasy jetkizilgen. Bastapqy medıtsınalyq-sanıtarlyq kómek kórsetetin 24 mekemede vaktsına salýǵa arnalǵan oryndar jasaqtalǵan. Onyń ishinde 15-i memlekettik, qalǵandary – jekemenshik medıtsınalyq uıymdar. Vaktsına slatyn 16 pýnkt qalada ornalasqan. Al, Maqat aýdanynda 2, basqa aýdandarda bir pýnkten bar.
Atyraý qalasyndaǵy №3 emhanada «Spýtnık V» vaktsınasyn oblys ákiminiń orynbasary Baqytgúl Hamenova, oblystyq densaýlyq saqtaý basqarmasynyń basshysy Ashan Baıdýálıev, oblystyq sanıtarııalyq-epıdemıologııalyq baqylaý departamentiniń basshysy Mádenıet Tanaýov, oblystyq onkologııalyq dıspanserdiń dırektory Elmıra Saparova, oblystyq aýrýhana dırektory Erbol Imanǵalıev saldyrdy.
«Vaktsına almas buryn dene qyzýymdy ólshedi. Ekpe salý kabınetinen shyqqannan keıin dárigerdiń baqylaýynda boldym. Jaǵdaıym qalypty. Endi 21 kúnnen keıin vaktsınanyń ekinshi bóligin alamyn», - dedi Baqytgúl Hamenova.
Eske sala ketelik, budan buryn Atyraý oblysyna «Spýtnık V» vaktsınasynyń 1 myń dozasy ákelinetinin, koronavırýs vaktsınasyn salý úshin 22 emhanadan oryn daıyndalǵanyn habarlaǵan edik.