Baqytbek Smaǵul: Jastar jat ıdeologııanyń tabanynda taptalmaýy tıis
Ol dáýirlerdiń aýysýy qashanda jurtshylyqqa ońaıǵa soqpaıtynyn, zamana shyrǵalańyn tek judyryqtaı jumylǵan, jigerin jalynǵa janyǵan, kóshbasshysynyń qasıet-qabiletin jazbaı tanyǵan el ǵana eńsere alatynyn atap ótti.
«Basymyzdaǵy búgingi baq-dáýrendi adal básekelestikten qashatyn, tutqıyldan tap berip, tuńǵıyqqa tartatyn teris kúshterdiń qıturqy tirliginiń qurbany etpeıik! Syrttyń sózine eremiz dep, jat ıdeologııanyń tabanynda taptalyp qalmaıyq! Qazaqstan - alǵa umsynyp, damyǵan el bıigine bet qoıǵan memleket. Biz barlyǵymyz órge órlegen alpınıster sııaqtymyz. Bir-birimizge qoldaý kórsetýimiz kerek. Eger ózara talas-tartysqa tússek, quzǵa soǵylyp, biriktirgen altyn arqaýdan aıyrylyp, qurdymǵa qulamaımyz ba?»,- dep oı qosty Baqytbek Smaǵul.
Sondaı-aq, QR Prezıdent saılaýynda jeńiske jetken Qasym-Jomart Toqaevtyń esimi álemdik elıta ókilderine jaqsy tanys, mártebesi bıik, sózi ótimdi, pikiri qymbat tulǵa ekenine toqtalyp, el bolshaǵyn jarqyn eterine senim bildirdi.
Baqytbek Smaǵul «Qasym-Jomart Kemeluly - tegin adam emes, qoǵamǵa jan-tánimen qyzmet etý, Memleket basshysy bolý mańdaıyna jazylǵan tekti tulǵa. Ol Elbasymyzdyń senimdi serigi. Kezinde Reseı, Qytaı sekildi alpaýyttarmen aramyzdaǵy myńjyldyqtar boıy qujat júzinde mejelenbegen shekaramyzdy shegendeý jolynda asa aýyr kelissózderde tańdy-tańǵa uryp, túndi-túnge jalǵap, el múddesin qorǵap shyqqan memlekettik qaıratker», - dep Prezıdent Qasym-Jomart Toqaevtyń el úshin atqarǵan eńbegin baıandady.
Onyń aıtýynsha, alda joǵary deńgeıde Memlekettik til týraly bes jylǵa arnalǵan jańa memlekettik baǵdarlama qabyldanýy halyq kóńiline medeý syılaıtynyn jetkizdi. Osy qujatqa sáıkes, Qazaqstanda memlekettik tildi meńgergen azamattardyń úlesin 2023 jyly - 94%-ǵa jetkizý, qazaq tildi memlekettik buqaralyq aqparat quraldarynyń úlesin 2023 jyly - 77%-ǵa jetkizý jáne taǵy da basqa iri jetistikterge jetý úshin tyń sharalardy qolǵa alý kózdelgen. Osynyń barlyǵy Qasym-Jomart Kemelulynyń prezıdenttigi tusynda iske asatynyna senim bildirdi.
«Halyq saılaǵan Prezıdentimizge alǵa qoıǵan san-salaly jańa mindetterin oryndaýǵa aq peıilimizben, adal nıetimizben múmkindik berelik. Alda jańa jetistikter úshin bir-birimizdi qýana quttyqtap, bir-birimizden shúılige súıinshi suraıtyn shaq týady degen senimdemin!», - dep el azamattaryn memleketimizdiń damýy jolynda jumyla eńbek etýge shaqyrdy.
Álıhan Asqaruly
