Baqytbek Smaǵul túrkistandyqtarmen kezdesý ótkizdi
TÚRKІSTAN. QazAqparat - Túrkistan qalasyna Májilis depýtaty, «Qazaqstan Ardagerleri» qaýymdastyǵynyń tóraǵasy Baqytbek Smaǵul arnaıy issaparmen keldi, dep habarlaıdy QazAqparat tilshisi.
Sapar barysynda óńirdegi túrli qoǵamdyq uıym ardagerlerimen kezdesý ótkizdi. Atalǵan sharaǵa Parlament Májilisiniń depýtaty Berik Bekjanov, oblystyq qoǵamdyq damý basqarmasynyń basshysy Ańsar Óserbaev, Qazaqstan Respýblıkasy jergilikti soǵys jáne Aýǵanstan ardagerler odaǵynyń tóraǵasy Sháripbaı Ótegenov jáne óńirdegi qoǵamdyq birlestikterdiń tóraǵalary men beldi músheleri qatysty.
Jıynda alǵash sóz alǵan Baqytbek Smaǵul ardagerlerdiń qoǵamdaǵy ornyn aıqyndaýǵa baǵyttalǵan jumystardyń barysy men aldaǵy josparlary jaıly baıandady.
Sonymen qatar ardagerlerdiń quqyǵyn qorǵaıtyn barlyq qoǵamdyq uıymdardyń birigip, jumyla áreket etý kerektigin basa aıtty.
Jıyn sońy pikir almasýǵa ulasyp, ardagerler kókeıtesti suraqtaryna jaýap aldy.
Sonymen qatar, jıynda belsendi ardagerlerge QR Qorǵanys Mınstrligi men Respýblıkalyq odaqtyń arnaıy tósbelgileri tabystaldy.
Іs-sapar barysynda Baqytbek Smaǵul oblys jastarymen kezdesti.
