Baqytbek Esentaev isi boıynsha aldyn ala sot tyńdalymy kúni belgili boldy
ALMATY. QazAqparat - Baqytbek Esentaevqa qatysty istiń aldyn ala sot tyńdalymy 14 qyrkúıekte ótedi. Bul týraly «QazAqparat» HAA tilishisine Almaty oblystyq sotynyń aqparatpen qamtamasyz etý bólimi habarlady.
«Qaskelende Qarasaı aýdandyq soty ǵımaratynda sot tyńdalymy ótedi», - delingen oblystyq sottyń habarlamasynda.
Baqytbek Esentaevqa qatysty istiń aldyn ala sot tyńdalymy 14 qyrkúıek kúni saǵat 11:00-ge belgilendi. Іsti Almaty oblysy qylmystyq ister boıynsha aýdanaralyq sottyń sýdıasy Lázzat Іlııasova qaraıdy.
Qazirgi ýaqytta tergeý isi aıaqtaldy. Kúdiktige QR QK-niń 24 baby 3 bóliminen 99 baby 1 bólimi («Kisi óltirýge oqtalý») boıynsha aıyp taǵyldy. Іs qylmystyq ister boıynsha arnaıy mamandandyrylǵan sotqa jiberildi.
Eske salsaq, 10 maýsymda B.Esentaeva mı jaraqaty, murny synyp, pyshaq jaraqattarymen Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda jaraqattaǵany anyqtaldy. Ol Talǵar AІІB-ge jetkizildi, keıinnen ÝUI-ǵa qamaýǵa alyndy. Tutqyndaý merzimi 10 qyrkúıekke deıin uzartyldy.
