Baqytbek Esentaev 22 jyl boıy kólik pen úılerin kazınoǵa uttyryp kelgen
ASTANA. QazAqparat - Tanymal telejúrgizýshi jáne prodıýser Baıan Esentaeva qazaqstandyq jýrnalıst Dınara Sátjanǵa bergen suhbatynda Baqytbek Esentaevtiń kazınodaǵy tóbelesi túsirilgen vıdeo týraly pikirimen bólisti.
Ol kezde B.Esentaeva jyl basynda jarııalanǵan bul beınerolıkke esh túsinik bermeı, ondaǵy er kisi onyń jary emes ekendigin habarlaǵan bolatyn.
«Maǵan ne isteý kerek edi sol kezde. Men bul kazınomen 22 jyl turyp keldim. Osy jyldar ishinde men bul utystar men utylystarǵa etim úırengeni sonshalyq. Kazınoda ne utylmady deseńizshi, býma-býma aqsha ketti. Men oǵan barynsha abaı bolýyn suradym. Men bul onyń jumysy, onyń budan basqa qolynan is kelmeıtinin, ol kásipqoı oıynshy ekenin bildim. Men eshqashan oınaǵan emespin, maǵan ol tipti jat nárse bolatyn, men kórmeýge tyrysyp, bul shynaıy ómirime esh qatysy joq dep sanaýdy jón kórdim. Qanshama jas tógildi osy jyldary, qanshama kólik, úı kazınoda utyldy. Ony aıtqym da kelmeıdi qazir. Bul rolık meniń jeke depressııada bolǵan kezimde shyqty. Telearna basshylaryna habarlasyp, bul rolıkti jarııalamaýlaryn suradym. Men 20 jyl ishinde qońyraý shala alatynym, meni syılatyndyqtary qaıta jaqsy bolǵan», - dedi ol.
«Úıde men janjal shyǵarǵan joqpyn. Munyń bári erteli kesh jarııa bolatynyn bildim. Aşy shyndyq osy, osyndaı adammen turatynymdy uqtym. Men buny kezekti sabaq dep qabyldadym. Bul meniń tańdaýym, men sol kisimen turdym. Men ony syıladym, tipti onyń isin de syıladym», - dep atap ótti B.Esentaeva.
Onyń aıtýynsha, otbasyda túrli jaǵdaılar boldy, degenmen olar aqshasyz qalǵan kezder bolǵan emes.
Sonymen qatar ol 10 maýsymda oryn alǵan zorlyq-zombylyq áli kúnge deıin onyń esinen ketpeıtindigin aıtty. Kún saıyn ol osy oqıǵamen uıyqtap, osy oqıǵamen oıanady. «Ol meni bir mınýtke de, bir sekýndke de qaldyrmaıdy», - dedi Baıan Esentaeva.
