Baqyt Sultanov jantúrshigerlik kólik apaty bolǵan jerge bardy
NUR-SULTAN. QazAqparat - Elordadaǵy jantúrshigerlik jol-kólik oqıǵasy ornyna qala ákimi Baqyt Sultanov bardy, dep habarlaıdy QazAqparat tilshisi.
Astana qalasy ákiminiń baspasóz hatshysy Elvıra Júrgenbaevanyń atap ótýinshe, elorda ákimi B. Sultanov Qabanbaı batyr dańǵylyndaǵy iri jol-kólik oqıǵasy oryn alǵan jerge shuǵyl túrde bardy.
Kólik apaty saǵat 9:14 kezinde bolǵan.
Budan buryn habarlanǵandaı, elordada avtobýstar apatynyn eki adam kóz jumdy.
26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy boldy.
Qala mańy baǵdaryndaǵy № 301 avtobýs № 12 baǵdardaǵy jolaýshylar kóligimen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.
