Baqyt Sultanov Úkimet basshysynan vıtse-mınıstrlerdi jazalaýdy surady
«2017 jylǵy 11 aıynyń qorytyndysy boıynsha Úkimet otyrysynda bıýdjet qarajatyn ıgerýde belgili bir táýekelder jóninde aıtylǵan bolatyn. Aldymyzda Parlamentte jyldyq esep nátıjelerin talqylaý tur. Onda mindetti túrde jaýapkershilik týraly suraq týyndaıtyny anyq. Osyǵan oraı qarjyny tolyq ıgermegen ortalyq memlekettik organdar boıynsha Úkimetke mınıstrdiń orynbasary jáne komıtetter tóraǵasy deńgeıindegi laýyzym ıelerin jaýapkershilikke tartýǵa usynys engizemiz. Nysanaly transfertterdiń somasyn ıgermegen aımaqtardyń ákimderinen de tıisti laýazymdy tulǵalardy jaýapkershilikke tartýyn suraımyn», - dep atap ótti B. Sultanov Úkimet otyrysynda.
Onyń sózine qaraǵanda, ótken jyly jalpy somasy 8,6 trln teńgege 496 myń memlekettik satyp alý rásimi kameraldyq baqylaýmen qamtyldy. Tekserý qorytyndylary boıynsha jalpy somasy 728 mlrd teńgege buzýshylyqtar anyqtaldy. Onyń ishinde konkýrstardyń qorytyndylaryn joıý jáne qaıta qaraý jolymen 710 mlrd teńge somaǵa, ıaǵnı 97,5 paıyzǵa buzýshylyqtar ýaqtyly joıyldy.
Aýdıtorlyq is-sharalarmen 2,3 trln teńge bıýdjet qarajaty qamtyldy. Barlyq somasy 275 mlrd teńgege qarjylyq buzýshylyqtar anyqtaldy. Onyń ishinde taýarlardy jetkizý, qyzmetter kórsetý jáne jumystardy oryndaý, bıýdjetke óteý jáne esepke alý boıynsha kórsetý jolymen 259 mlrd teńge túzetildi.
Budan bólek ol memlekettik bıýdjettiń áleýmettik quramyn arttyrý qamtamasyz etilgenin atap ótti.
«2016 jylmen salystyrǵanda áleýmettik salaǵa arnalǵan shyǵystardyń ósý qarqyny 112 paıyzdy quraıdy, al olardyń taza shyǵystardaǵy úlesi 51 paıyzǵa jetti. Al, memlekettik bıýdjettiń negizgi parametrlerine kelsek, olar aldyn ala derekter boıynsha oryndaldy. Kirister boıynsha jyldyq jospar barlyq bıýdjetterde asyra oryndaldy. Ótken jylǵa qaraǵanda memlekettik bıýdjettiń kiristeriniń ósimi 700 mlrd teńgeni qurady», - dep toqtaldy Qarjy mınıstri.
Shyǵystar boıynsha jumys barynsha joǵary atqaryldy: memlekettik bıýdjet - 99,7%, respýblıkalyq bıýdjet - 99,8% jáne jergilikti bıýdjet - 99,6%.
«Respýblıkalyq bıýdjettiń tapshylyǵy 1 357 mlrd teńgeni qurady. Bul jospardaǵydan (1486 mlrd.teńge) 129 mlrd teńgege az. Bıýdjet qarajaty 2016 jylǵa qaraǵanda aýdıtorlyq is-sharalarmen jáne kameraldyq baqylaýmen eki esege kóp qamtyldy. Ákimshilik jaýapkershilikke tartylǵan adamdardyń sany 2,2 esege azaıdy. Ol, kameraldy baqylaýdaǵy preventıvtik sharalar tıimdiliginiń artýy arqasynda qamtamasyz etildi», - dedi B. Sultanov.
