Baqyt Sultanov: Taýarlardy tańbalaý júıesi bıýdjetke salyq túsimin arttyrady
«Qarjy mınıstrliginiń derekteri boıynsha 2016 jyldan bastap baqylaý jáne qadaǵalaý arqyly ishki aınalymda 30 mıllıard teńgeden astam somanyń kontrafaktilik taýary anyqtaldy. Aldaǵy ýaqytta elde osyndaı shyǵyndy tekserý sharalarynyń ornyna naryqty tazartatyn tıimdi júıe engiziledi. Taýarlardy tańbalaý men olardyń qadaǵalaýdyń keshendi júıesin engizý boljamǵa sáıkes 5 jyldyń ishinde bıýdjetke 2,6 trıllıon teńge quraıtyn kýmýlıatıvtik áser berýi kerek», - dedi Baqyt Sultanov Úkimet otyrysynda.
Onyń aıtýynsha, taýarlardy tańbalaý jáne qadaǵalaý júıesi halqymyzdyń densaýlyǵyna teris áser etetin taýarlarǵa tyıym salýdy, bıznes úshin jaǵdaıdy teńestirýdi, taýarlardyń sapasy men ekonomıkalyq qaýipsizdikti qamtamasyz etedi, sondaı-aq bıýdjetke salyq túsimderin arttyrady.
«Odan bólek bul júıe bıznes pen memleket bıýdjetine qosymsha kiris ákeletin naqty maqsattardy kózdeıtin memlekettik baǵdarlama qurýdy qamtamasyz etedi. Memleket qosymsha tabys taýyp, Qazaqstan Respýblıkasyn ındýstrııalyq-ınnovatsııalyq damytýdyń 2020-2025 jyldarǵa arnalǵan baǵdarlamasy sheńberinde onyń qaıtarymdylyǵyn memlekettik qoldaý retinde qamtamasyz etedi», - dedi ol.
