Baqyt Sultanov pandemııa kezinde ashylǵan jańa naryqtardy atady

NUR-SULTAN. QazAqparat – 2020 jyly pandemııa saldarynan Qazaqstan taýarlary eksportqa shyǵarylatyn naryqtar 190-nan 119 elge qysqardy. Bul týraly Sheteldik ınvestorlar keńesiniń 33-jalpy otyrysynda QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«COVID-19-dan týyndaǵan ekonomıkalyq jáne áleýmettik kúızelis búkil álemdik saýdaǵa, onyń ishinde qazaqstandyq ónim eksportyna aıtarlyqtaı áserin tıgizdi. Daǵdarys qazaqstandyq eksporttyń geogrfııasyna da yqpal etti. Pandemııalyq 2020 jyly sońǵy 3 jylda óz ónimderimizdi jetkizip júrgen elderdiń sanyn 190-nan 119-ǵa deıin qysqardy. Bul qosylǵan qun tizbeginiń ózgerýine, úshinshi elderdiń arasyndaǵy sanktsııalyq teketiresterge, saýda seriktesterdiń taýarlardy tasymaldaýdaǵy karantındik shekteýlerine baılanysty oryn aldy. Degenmen Bagam araldary, Kamerýn, Sýdan, Bosnııa men Gertsegovına, Salvador, Nıkaragýa, Kaıman araldary, Gaıana syndy jańa naryqtar ashyldy»,- dedi mınıstr.

Onyń atap ótýinshe, karantındik shekteýler men jetkizý tizbegindegi irkilis aýyl sharýashylyǵy taýarlary saýdasyna qatty áser ete qoıǵan joq. Álem elderdiń bazalyq azyq-túlikterdi kóptep satyp alýyna baılanysty Qazaqstan aýyl sharýashylyǵy ónimderiniń eksportyn 18,1 paıyzǵa arttyrdy. Degenmen, lokdaýn ýaqytynda azyq-túlik emes taýarlaryna suranys 20 paıyzǵa tómendep ketti.

«Tolyqtaı alǵanda, eksporttalatyn taýarlar pozıtsııasy 2020 jyldyń ishinde 5,8 paıyzǵa qysqardy», - dedi Baqyt Sultanov.