Baqyt Sultanov otandyq eksporttaýshylardy qoldaıtyn jańa baǵdarlamany tanystyrdy
«Bárimiz álemniń búgingi qubylmaly bolmysyn baqylap otyrmyz. Álemdik óndiris tizbegi quldyrap, halyqaralyq saýdanyń qurylymy jáne kólemi ózgerýde. Dástúrli saýda negizderine jańa saýda sharttary áserin tıgizip jatyr. Týyndaǵan daǵdarys, árıne, bıznesti júrgizýdi qıyndatady. Degenmen, básekelik artyqshylyq turǵysynan múmkindik týdyrady», - Saýda jáne ıntegratsııa mınıstri Baqyt Sultanov dep jazdy mınıstr Facebook -tegi paraqshasynda.
Baqyt Sultanovtyń jazýynsha halyqaralyq saýdanyń qazirgi sharalary bizdiń eksporttaýshylarymyz úshin jańa múmkindikterge qol jetkizip, jańa naryqtarǵa esik ashyp, ónimderdi satýǵa qolaıly jaǵdaı týyndaǵan. Búgin de Qazaqstan eksportqa baǵyttalǵan kásiporyndardyń, eń aldymen shaǵyn jáne orta bıznes ókilderiniń turaqty damýy - jumys oryndaryn saqtaýdyń jáne ulttyq ekonomıkanyń qarqynyn jedeldetýdiń kepili ekenin túsinedi. Sondyqtan Saýda jáne ıntegratsııa mınıstrligi qazaqstandyq eksportty qoldaý men damytýǵa erekshe nazar aýdarmaq.
«Qazir biz halyqaralyq saýdadaǵy buryn-sońdy bolmaǵan qıynshylyqtardyń kýásimiz. Degenmen, tipti eń qıyn kezeńderde eshqashan toqtamaǵan eksporttyq qyzmet qazir de toqtamaıdy. Bizdiń ónimderimiz túrli elderde áli de úlken suranysqa ıe. Pandemııa báseńdep, ekonomıka jańa leppen jumys isteıtini anyq! Sondyqtan bıznes óziniń taýarlaryn syrtqy naryqqa jetkizýge daıyn bolýy kerek. Shetel naryqtyrynda saýdany keńeıtýge bel býǵan kásipkerlerge qoldaý kórsetý maqsatymen biz QAZTRADE eksporttyq akselerator baǵdarlamasyn iske qostyq. Baǵdarlamanyń maqsaty – eksporttyq saýda jasaýǵa múddeli kásipkerlerge qoldaý sharalaryn jınaqtaıdy. Kásiporynnyń jáne onyń ónimderiniń áleýetin taldaýdan bastap, naryqty tańdaýǵa, satyp alýshyny tabýǵa, marketıng naýqanyn júrgizýge jáne eksportqa qajetti qujattardy ázirleýge járdemdesýge deıin qoldaý kórsetedi. Jalpy áleýetti eksporttaýshy qyzmetin tolyq negizde basynan soǵyna deıin súıemeldeý: satýǵa degen nıetten bastap, satyp alýshyǵa partııany jiberýge deıin súıemeldeıdi», - dep jazady Baqyt Sultanov.
Mınıstr baǵdarlamany tamaq ónerkásibinen bastaýǵa sheshim qabyldanǵanyn jetkizdi.
«Árıne, eksporttaýshyny qoldaı otyryp, biz onyń ónimderiniń ishki naryqtaǵy suranysyn da eskeremiz. Memleket úshin eksport qanshalyqty mańyzdy bolsa da, birinshi mindetimiz - eń aldymen ishki suranysty qamtamasyz etý. Osy oraıda, tamaq ónerkásibinde jumys isteıtin barlyq kásipkerdi export.gov.kz portalyna ótinim jiberý arqyly eksporttyq baǵytta deńgeılerin synap kórýge shaqyramyn. Mańyzdy jaıt – QAZTRADE akseleratory bıznes ókilderi úshin aqysyz túrde júzege asyrylady. Sonymen qatar, barlyǵyńyzdy qazaqstandyq eksporttaýshylar úshin bir tereze ortalyǵy - export.gov.kz portalyna shaqyramyn! Munda kásipkerlerdiń memlekettik uıymdarda alatyn qyzmet túrleri (keńes alý, saqtandyrý jáne t.b.) shoǵyrlanǵan. Endi portaldyń qyzmetterin paıdalaný jáne jelide onlaın qyzmetterge tapsyrys berý qoljetimdi», - dep túıdi mınıstr.
