Baqyt Sultanov memlekettik qyzmetkerler alǵan syılyqtardy qaıda tapsyrý kerektigin aıtyp berdi

«Bıyldan bastap, «Memlekettik qyzmet týraly» jańa Zań kúshine endi. Búginde zańnama boıynsha jáne etıkalyq normalarǵa sáıkes, memlekettik qyzmetkerlerde syılyqtar alýǵa quqyǵy joq. Alaıda, obektıvti sebepter bar, ıaǵnı resmı kezdesýlerde túrli halyqaralyq sálemdemeler nemese ózara syılyqtar tabystalady. Bundaı syılyqtardy árbir memlekettik qyzmetker memleket ıeligine tapsyrýy tıis», - dedi mınıstr.
Belgili bolǵandaı, syılyqtar Qarjy mınıstrliginiń Memlekettik múlik jáne jekeshelendirý komıtetiniń bólimshesine tapsyrylýy kerek.
B. Sultanovtyń sózine qaraǵanda, 2015 jyldyń 28 jeltoqsanynda Úkimet tıisti erejelerdi qabyldady.
«Búginde tıisti statıstıka bar. Ótken jyldyń sońynda QR Aýyl sharýashylyǵy mınıstrligi tarapynan Qytaıda óndirilgen telefon tapsyryldy. Osy telefondy bizdiń ereje boıynsha atalǵan mınıstrlikke qaıta satyp alýdy usyndyq. Alaıda, olardan jaýap bolmady, sondyqtan da bul telefon saýdaǵa shyǵarylady»,-dedi QR Qarjy mınıstri.

Aıta keteıik, memlekettik qyzmetkerlerden tapsyrylǵan syılyqtar satylatyn arnaıy saıt (gosreestr.kz) bar.