Baqyt Sultanov qabyldaýyna kelgen azamattardyń bárimen jeke konsýltatsııa ótkizdi
Birinshi bolyp qabyldaýǵa Qorshaǵan ortany qorǵaý, monıtorıng jáne tabıǵı resýrstardy basqarý salasyndaǵy táýelsiz konsaltıng kompanııasynyń ókili jazyldy. Ol synaq zerthanasynyń «akkredıtteý salasyn» (qujattardy) resimdeý máselesin túsindirýdi surady. Saýda jáne ıntegratsııa mınıstri Baqyt Sultanov, sondaı-aq kezdesýge qatysyp otyrǵan Tehnıkalyq retteý jáne metrologııa komıtetiniń basshysy Arman Shaqqalıev standarttardy qoldanýdyń erekshelikterin túsindirdi.
Konsaltıng kompanııasynyń ókili ártúrli vedomstvolardyń QR ST 2036 (Aýanyń lastanýyn baqylaý basshylyǵy) standartyn qoldaný salasyn ár túrli túsindiretinine shaǵym jasady. Áńgimelesý barysynda standartty qoldaný salasyn túsindirýdiń biryńǵaı ustanymyn jasaý úshin standartty ázirleýshilerdi (Tehnıkalyq retteý jáne metrologııa komıteti), Ekologııa, geologııa jáne tabıǵı resýrstar mınıstrligi men akkredıttelgen synaq zerthanalary ókilderin shaqyra otyryp, Saýda jáne ıntegratsııa mınıstrliginde keńes ótkizý týraly sheshim qabyldandy.
Sondaı-aq, mınıstrge metallýrgııa óndirisi qaldyqtaryn qaıta óńdeýmen jáne qaldyqtardan ártúrli shlak ónimderin jasaýmen aınalysatyn kompanııanyń ókili de ótinish bildirdi. Bul ónim odan ári avtomobıl joldaryn salýda, tsement, mıneraldy ónim jáne beton óndirisinde qoldanylatyn bolady.
Mınıstr, bıznes ókilin muqııat tyńdap, kompanııanyń ónimi tereń qaıta óńdeletin ónim bolyp tabylmaıtyndyqtan kompanııa tolyq qoldaý kólemin alatyn eksporttaýshylar tizilimine qosylmaıtynyn aıtty. Alaıda, bul kompanııa metallýrgııa ónimi qaldyqtaryn qaıta óńdeýmen aınalysatyndyqtan, onyń qyzmeti eldiń ekologııasyn jaqsartý úshin asa mańyzdy. Baqyt Sultanov ónimniń ishki naryqqa shyǵarylatynyna qyzyǵýshylyq tanytyp, ony qazaqstandyq tsement zaýyttaryna, qurylys materıaldaryn jáne avtojol salasy materıaldaryn shyǵaratyn kásiporyndarǵa jetkizý múmkindigin oılastyrýdy usyndy.
«Eger sizderdiń túıirshiktelgen shlaktaryńyzben tsementimizdiń básekege qabilettiligin arttyrýǵa qol jetetin bolsa, onda Qazaqstan bul tsementti - qosylǵan quny barynsha joǵary ónimdi eksportqa shyǵara alady. Bul rette, sizdiń kompanııa ónimin tolyǵynan ótkize alatyn bolady. ıAǵnı, bıznesterińizdiń jumysy qamtamasyz etiledi, ónimdi odan ári ótkizý tizbesiniń sapasy artatyn bolady jáne óndiristik qaldyqtar-úıindiler jınaqtalyp qalmaıdy», - dedi ol.
Bul máseleni Jumys tobynda pysyqtaý qajet dep sheshildi, onyń quramyna Saýda jáne ıntegratsııa mınıstrliginiń, «QazTrade»» saýda saıasatyn damytý ortalyǵy» aktsıonerlik qoǵamynyń, Ekologııa, geologııa jáne tabıǵı resýrstar mınıstrligi Tehnıkalyq retteý jáne metrologııa komıtetiniń, Indýstrııa jáne ınfraqurylymdyq damý mınıstrliginiń, avtojol salasynyń, qurylys ındýstrııasy jáne basqa da múddeli salalar men qurylymdardyń ókilderi kiretin bolady.
Sondaı-aq, Biryńǵaı azamattardy qabyldaý kúninde mınıstrge Qazaqstanda óndiris ashýdy endi ǵana josparlap otyrǵan kásipkerler de ótinishterin bildirdi. Olar kórshiles memleketterde birqatar ónim túrleriniń ımportyna taldaý júrgizýge járdemdesýin surady.
«Eger eksportty qosa alǵanda jaqsy ótkizý naryǵy bolaty bolsa, biz bul ónimder óndirisine úles qosýǵa daıynbyz. Bizdiń sheteldik jaqsy áriptes-ınvestorlarymyz bar», - dedi kásipkerler.
Taǵy bir qabyldaýǵa kelgen azamat Baqyt Sultanovtan óner shyǵarmalary eksportyn jeńildetýge kómektesýdi surady.
«Bizdiń sýretshilerdiń kartınalaryn Qazaqstanda eshkim satyp almaıdy, biraq olar elimizde keńinen tanymal. Alaıda, olardy shetelge shyǵarý – kedennen ótkizý úlken problemaǵa aınalýda. Tipti Almaty Arbatynyń sýretterin de shyǵarý óte qıyn. Al, sýretshilerdiń eńbegi – eksport ónimi bolyp tabylady», - dedi ol.
Mınıstr óziniń eksportty jyljytý máselesine jetekshilik jasaıtyn orynbasaryna osy máseleni zerdeleýdi tapsyrdy.
