Baqyt Sultanov elordalyqtardyń barlyq túıitkilin sheshýge ýáde etti
ASTANA. QazAqparat - Búgin halyq aldynda esep berip jatqan Astana ákimi Baqyt Sultanov qalanyń jáne onyń turǵyndarynyń kez kelgen máselesin sheshýge ýáde berdi, dep habarlaıdy QazAqparat tilshisi.
«Astana - bul erekshe qala jáne biz óz energııamyzdy ony keshegiden de jaqsy jasaý úshin jumsaýymyz qajet. Burynǵy qarjy mınıstri retinde esep berýimizdi ádettegideı, qurǵaq tsıfrlardan bastaý úırenshikti bolar edi. Degenmen, qala jáne onyń ekonomıkasy - bul, eń aldymen, adamdar. Sondyqtan biz eki mańyzdy qujatty ázirleýge kiristik. Birinshisi - 2050 jylǵa deıin Astanany damytý strategııasy. Ekinshisi - qalany damytýdyń yńǵaıly jospary. Birinshisi - bul bizdiń qalaı qaraı jyljıtynymyzdyń kórinisi, al ekinshisi - oǵan qalaı jetýdiń tyńǵylyqty jospary», - dedi B.Sultanov.
Osy rette ákim QR Prezıdenti halyqpen keri baılanys ornatýǵa aıryqsha basymdyq berip otyrǵanyn atap ótti. Atalǵan údde aıasynda shyǵý úshin osy jyldyń basynan-aq aýdan ákimderi men qala ákiminiń orynbasarlary 33 eseptik kezdesý ótkizdi.
«Árıne, jeke kezdesýler eń tıimdi format emes. Sondyqtan biz «iKomek» qyzmetin iske qostyq. Kez kelgen qala turǵyny «109» nómirin terip, óz problemasyn habarlaı alady. Ótken jylǵy tsıfr tańǵalarlyq. 1 mln ótinish túsip, olar 100 paıyz oryndaldy», - dedi qala basshysy.
Sonymen qatar Baqyt Sultanov qala turǵyndaryn ákimdiktiń jumysyna qatysty óz pikirlerin ashyq bildirýge shaqyrdy.
«Sheshilmeıtin másele joq, aǵaıyn. Ár máseleni jerge tastamaı, túbine deıin jetemiz, ýáde beremin. Ár máseleni qarap, jolyn tabatyn bolamyz», - dedi ol.
