Baqyt Sultanov elordalyqtardy jolda abaı bolýǵa shaqyrdy
NUR-SULTAN. QazAqparat - Elorda ákimi Baqyt Sultanov aýa raıynyń qolaısyzdyǵyna baılanysty qala turǵyndaryn jolda abaı bolýǵa shaqyrdy, dep habarlaıdy QazAqparat.
«Aýa raıynyń kúrt buzylýyna baılanysty qala kóshelerinde muqııat bolýlaryńyzdy suraımyn. Meteoqyzmet málimetterine sáıkes, 15 sáýir kúni Nur-Sultan qalasynda jaýyn-shashyn kútilýde (jańbyrdyń sońy qarǵa ulasýy múmkin). Kóptegen kólik ıeleri dóńgelekterin jazǵy maýsymǵa aýystyryp úlgerdi. Sondyqtan, kólik júrgizýshilerine jol araqashyqtyǵyn saqtap, jol erejesin buzbaýdy jáne oqys manevr jasaýdan bas tartýdy usynamyz. Jolda abaı bolyńyzdar!», - dep jazdy Baqyt Sultanov Feısbýktegi paraqshasynda.
«Qazgıdromet» RMK elordada kún raıynyń nasharlaýyna baılanysty eskertý jarııalaǵan bolatyn. Jańbyr sońynan qar jaýyp, soltústik-shyǵystan soqqan jeldiń ekpini 15-20 m/s artýy yqtımal. Kúndiz temperatýra +3...+5 gradýs. Atmosferalyq aýa odan ári tómendeýi múmkin. Sondaı-aq naızaǵaı, tuman boljanady.
