Baqyt Sultanov DSU boıynsha áriptesterimen Dúnıejúzilik saýda uıymynyń reformalaryn talqylady

NUR-SULTAN. QazAqparat - Qazaqstan Respýblıkasynyń Saýda jáne ıntegratsııa mınıstri Baqyt Sultanov 2020 jyly Nur-Sultanda ótetin HHІ Mınıstrler konferentsııanyń yqtımal nátıjeleri men DSU reformalaý máselelerin talqylaý úshin Shanhaı qalasynda (Qytaı Halyq Respýblıkasy) DSU saýda mınıstrleriniń formaldy emes kezdesýine qatysty.

Bul týraly QR Úkimetiniń baspasóz qyzeti habarlady.

Mınıstrlerdiń formaldy emes otyrysy talqylaýdyń aralyq nátıjelerin qaraý jáne aldaǵy DSU Mınıstrlik konferentsııasynda eleýli nátıjelerge qol jetkizý úshin odan ári qadamdardy anyqtaý maqsatynda DSU músheleriniń bastamasy boıynsha ótkiziledi.

Qytaı Úkimeti uıymdastyrǵan DSU mınıstrlerdiń formaldy emes otyrysyna Bas dırektor R. Azevedo, sondaı-aq DSU 30 múshe elderiniń ókilderi qatysty.

Otyrys barysynda mınıstr DSU-ǵa múshe elderdi Uıymnyń tolyqqandy jumys isteýine baılanysty problemalyq máselelerdi sheshý jáne naqty sýbstantıvtik nátıjelerge qol jetkizý úshin kúsh-jigerlerin biriktirýge shaqyrdy.

«Biz úshin kelesi jyly úsh negiziniń ishinde ekeýi jumys istemeıtin DSU-ǵa kirý qaýpi bar. Osy ahýaldy túzetý úshin bizge reformalar qajet» — dedi ol.

Sondaı-aq, otyrysqa qatysýshylarǵa Mınıstrlik konferentsııasyn ótkizýge daıyndyq boıynsha Qazaqstanda júrgizilip jatqan belsendi jumys týraly aqparat berildi.

B. Sultanov osy ýaqytta DSU bastamasy boıynsha talqylanyp jatqan ınvestıtsııaǵa járdemdesýge qoldaý bildirdi.

«Investıtsııalardy júzege asyrý rásimderin jeńildetý týraly qaǵıdalardyń basty jınaǵyn ázirleý damýshy jáne az damyǵan elderdiń naryqtaryna ınvestorlardyń senimderin ornyna keltirýge kómektesedi» — dedi mınıstr.

Ol, sondaı-aq, DSU múshelerin ınvestıtsııalardy júzege asyrý rásimderin jeńildetý týraly qaǵıdalardy odan ári ázirleýge belsendi qatysýǵa shaqyrady.