Baqyt Sultanov «Damý» qory dırektorlar keńesiniń tóraǵasy bolyp saılandy

NUR-SULTAN. QazAqparat - Premer-Mınıstrdiń orynbasary – Saýda jáne ıntegratsııa mınıstri Baqyt Sultanov «Damý» kásipkerlikti damytý qory» AQ dırektorlar keńesiniń tóraǵasy bolyp qaıta saılandy, dep habarlaıdy QazAqparat.

Bul týraly Qazaqstan qor bırjasynyń (KASE) resmı saıtyna jarııalanǵan habarlamada aıtylǵan.

«Damý» kásipkerlikti damytý qory» AQ dırektorlar keńesiniń 2022 jylǵy 14 sáýirdegi sheshimimen B.Sultanov qordyń dırektorlar keńesiniń tóraǵasy bolyp saılanǵany týraly bırjaǵa habarlaıdy», - delingen jazbada.

Onda engizilgen ózgerister eskerilip, «Damý» kásipkerlikti damytý qory« AQ dırektorlar keńesi jeti adamnan turatyny da málimdelgen. Olardyń qatarynda B.Sultanov, E.Bahmýtova, R.Batalov, A.Nurǵalıeva, T.Jaksylyqov, A.Muhamedjanov, G.Bóribaeva bar.

Eske sala keteıik, Baqyt Sultanov bıylǵy 4 aqpan kúni qordyń dırektorlar keńesiniń tóraǵasy bolyp saılanǵan. Sodan keıin keńes 8 adamnan turǵan bolatyn.