Baqyt Sultanov: Bıýdjet qarjysynyń ıgerilmeýi jylda qaıtalanady
«95 mlrd teńge bıýdjet qarajaty ıgerilmedi. Onyń 6,5 mlrd teńgesi - únemdelgen qarjy. Al, naqty ıgerilmegen soma 88,9 mlrd teńgeni qurap otyr. Bul - 2017 jyldyń 1 sáýirindegi kórsetkishten (47 mlrd.teńge) 1,8 ese kóp. Osy somanyń 62,1 mlrd teńgesi Qorǵanys mınıstrligine tıesili. Basty sebebi - memlekettik qorǵanystyq tapsyrystyń 12 aqpanǵa bekitilýine baılanysty konkýrstardyń kesh ótkizilýi», - dedi Baqyt Sultanov.
Onyń aıtýynsha, ıgerilmeı qalǵan qarajattyń 20 mlrd teńgesi Mádenıet jáne sport, Іshki ister, Aýyl sharýashylyǵy, Bilim jáne ǵylym, Ádilet mınıstrlikteri men Ulttyq qaýipsizdik komıtetinde qalyptasqan.
«Osy problemany biz jyl saıyn kóteremiz. Biraq, aıtylǵan memlekettik organdardyń qarjylyq josparlaý men atqarý dıstsıplınasynyń problemalary jylda qaıtalanyp otyr. Bul máselede ortalyqtaǵy qarjy salasyndaǵy áriptesterimizdi jergilikti mamandardan úlgi alýǵa shaqyramyn. Jergilikti bıýdjetterdiń shyǵystary 823 mlrd teńgege ıgerildi. 20 mlrd teńge oryndalmady. Bul kórsetkish byltyrǵy jyldyń osyndaı kezeńimen salystyrǵanda 26 paıyzǵa jaqsardy», - dedi Baqyt Sultanov.
foto:primeminister.kz
