Baqyt Sultanov avtobýs kartalaryna qatysty synǵa jaýap berdi
ASTANA. QazAqparat - Búgin qala halqynyń aldynda esep bergen Astana ákimi Baqyt Sultanov avtobýstardaǵy tólem júıesine qatysty synǵa jaýap berdi, dep habarlaıdy QazAqparat tilshisi.
«Qoǵamdyq kólikte jolaqyny tóleýge qatysty basynda syn bolǵanymen, kólik kartasy júıesi óziniń tıimdiligin aıqyn dáleldep otyr. Ony jolaýshylardyń 96 paıyzy paıdalanady jáne aqsha qarajatynyń 30 paıyzy kólegeıli aınalymnan shyǵaryldy. Bul keleshekte atalǵan salaǵa óte jaqsy áser etetindigi túsinikti. Kartalardy tolyqtyrý júıesine qatysty syn da boldy. Biz onymen únemi jumys istep jatyrmyz. Qaıtadan qurylǵan kez kelgen júıedegideı jetkizýshimen belgili bir irkilister bar», - dedi B.Sultanov.
Onyń dereginshe, qazirgi ýaqytta elorda turǵyndary kólik kartasyn balama 10 jolmen toltyra alady. Sonymen qatar tólem kartasy kún saıyn 670 myń adam qoǵamdyq kólikti paıdalanatyndyǵyn kórsetti.
«Bul kólik júıesiniń naqty ekonomıkalyq modelin boljaýǵa, baǵdarlardy ońtaılandyrýǵa múmkindik beredi. Sonymen qatar qaı jerde zamanaýı formattaǵy bazarlar salýǵa bolatyndyǵyn, adamdar qaı jerge demalys úshin kóp jınalatyndyǵyn anyqtaýǵa múmkindik jasaıdy», - dedi ol.
