Baqyt Sultanov: Árbir ákim - óz aýmaǵynyń menedjeri
ASTANA. QazAqparat - Bıyl jalpy quny 27,6 mlrd teńge bolatyn 4 ındýstrıaldy joba iske qosylady. Bul týraly búgin elorda ákimi Baqyt Sultanov qala aktıvimen ótken jyldy qorytyndylaýǵa arnalǵan jıynda aıtty, dep habarlaıdy QazAqparat tilshisi.
«Basqarma basshylary men aýdan ákimderi memlekettik-jekeshelik áriptestik tetikterin damytý jumystaryn kúsheıtýleri qajet. Jeke jáne sheteldik ınvestıtsııa tartý jumystary kezeń-kezeńimen júrgizilip jatyr. Búginde jalpy somasy shamamen 3 trln teńge bolatyn 193 joba boıynsha jumys júrgizilýde», - dedi Baqyt Sultanov.
Onyń dereginshe, 2019 jyly jalpy somasy 27,6 mlrd teńge bolatyn 4 ındýstrıaldy jobany iske qosý josparlanǵan. Nátıjesinde 500-den astam jańa jumys orny qurylady. Somasy 7 mlrd teńge bolatyn 2 joba qurylysy bastalady.
«Árbir ákim - óz aýmaǵynyń menedjeri. Sondyqtan aýdan ákimderi bólingen qarjyny tek basqaryp qana qoımaı, bıýdjetten tys qarjy izdeýi jáne ınvestorlardy tartýlary qajet», - dep eskertti qala basshysy.
