Bakýdegi jarylystan mert bolǵandardyń arasynda Qazaqstan azamattary joq - SІM
ASTANA. 21 aqpan. QazAqparat - «Bakýdegi jarylystan mert bolǵandardyń arasynda Qazaqstan azamattary joq», - dep málimdedi búgin Syrtqy ister mınıstrliginiń resmı ókili Altaı Ábıbýllaev jýrnalıstermen bolǵan brıfıngte.
«Men bul oqıǵaǵa qatysty birqatar sheteldik basylymdarda shyndyqqa sáıkese bermeıtin málimetterdiń jaryq kórgendigin eskertkim keledi. Dıplomatııalyq kózder arqyly alynǵan aqparattarǵa sáıkes, Ázirbaıjannyń Memlekettik teńiz basqarmasy 2012 jyldyń 16 aqpanynda Baký qalasyndaǵy Hataın aýdanynyń Zyh aýlyndaǵy keme jóndeıtin zaýytta turǵan balyqshylar kemesinde jarylys bolǵandyǵyn málimdegen. Bul keme Qazaqstandiki emes. Sondaı-aq, jarylystan zardap shekkenderdiń arasynda da Qazaqstan azamattary joq», - deıdi resmı ókil.
Onyń aıtýynsha, aldyn ala alynǵan málimetter jarylystyń elektrli jelimdeý jumystarynyń saldarynan bolǵandyǵyn kórsetti. Qazirgi tańda Ázirbaıjannyń quzyrly organdary oqtıǵa bolǵan jerde tekserý jumystaryn júrgizýde.
