Bakýdegi jarylys neden bolýy múmkin - Ázerbaıjannyń TJM ókilderi
ASTANA. QazAqparat - Ázerbaıjannyń Tótenshe jaǵdaılar mınıstrligi (TJM) Bakýdiń ortalyǵyndaǵy ǵımaratta bolǵan oqıǵaǵa qatysty resmı aqparat taratty, dep habarlaıdy trend.az.
Mınıstrliktiń habarlamasyna qaraǵanda, ǵımaratttyń jertólesinde jarylys bolyp, sonyń saldarynan órt shyqqan.
«Jarylystyń saldarynan ǵımarattyń 1-shi qabatynda ornalasqan keńse taýarlary dúkeninde (500 sharshy metr aýmaqta) sóreler men arnaıy ornatylǵan qurylǵylar qulap, tereze men esikterdiń jaqtaýlary ushyp ketken. Ǵımarattyń ekinshi jáne úshinshi qabattarynda jáne jaqyn aradaǵy úılerdiń keıbiriniń terezeleriniń áınekteri synǵan. Jarylystyń kúshimen 100-150 metr qashyqtyqqa shashylǵan keńse taýarlary ishinara janyp ketken. Oqıǵa ornyna jetken órt sóndirýshiler jalyn ǵımaratty tolyq sharpymaı turyp órtti sóndirip úlgerdi»,-delingen habarlamada.
Mınıstrliktegiler jarylys aldyn ala boljam boıynsha gaz júıesindegi aqaýdyń saldarynan paıda bolǵan. Jaralystyń saldarynan 1961 jyly týǵan dúken qyzmetkeri Maýhmýdov Zahıd Shýkýr oglý denesin kúıdirip, jaraqattanǵan. Qazirgi tańda tıisti qurylymdar oqıǵaǵ ornynda tekserý jumystaryn júrgizip jatyr.
