Bakýdegi sporttyq gımnastıkadan Álem kýbogynda el namysyn úsh sportshy qorǵaıdy
BAKÝ. QazAqparat - Bakýde sporttyq gımnastıka boıynsha Álem kýbogy bastaldy. Jarysqa qazaqstandyq sportshylar qatysyp jatyr, dep habarlaıdy Ázerbaıjandaǵy «QazAqparat» HAA menshikti tilshisi.
Qazaqstannyń namysyn Narıman Qurbanov, Danııl Batýrın jáne Erbol Jantyqov qorǵaıdy.
«Bizdiń sportshylar irikteý jarystarynda qossyryq (E.Jantyqov) jáne kerme (D.Batýrın) boıynsha erkin jattyǵýlarǵa qatysyp jatyr. 16 naýryzda ótetin atpen jattyǵýda N.Qurbanov baq synaıdy», - dedi qazaqstandyq komandanyń jattyqtyrýshysy Erlan Uzaqov.
E.Uzaqovtyń aıtýynsha, N.Qurbanov aqpan aıynda Aýstralııanyń Melbýrn qalasynda atpen jattyǵýda «altyn» júldege qol jetkizgen.
Qazaqstandyq jasaqtyń jattyqtyrýshysy Ázerbaıjanda bizdiń komandanyń jaqsy nátıje kórsetetinine úmittenetinin jetkizdi.
