Bakýdegi halyqaralyq týrnırinde úsh boksshymyz jartylaı fınalǵa shyqty
Bul týrnırde qazaq eliniń namysyn 6 boksshy qorǵap jatyr. Atap aıtar bolsaq, Ashat Júsipov (49 keli), Oljas Baınııazov (52 keli), Serik Temirjanov (60 keli), Aıan Qalybekov (64 keli), Ilıa Ochkın (69 keli) men Bek Nurmaǵambet (81 keli).
Búgin osy boksshylar arasynan Ashat Júsipov, Oljas Baınııazov jáne Bek Nurmaǵambet úsheýi jartylaı fınalǵa ótti.
Aıta keteıik, Bakýdegi «Uly Jibek joly» halyqaralyq týrnırine qazaq boksshylaryn jattyqtyrýshylar Azamat Maqajanov pen Aleksandr Strelnıkov bastap barǵan bolatyn. Al bas bapker Myrzaǵalı Aıtjanov bastaǵan 10 boksshy Germanııanyń Galle qalasynda ótip jatqan «Chemistry Cup» halyqaralyq týrnırinde synǵa túsýde. Onyń 9-y jartylaı fınalǵa shyqty.
Endi erteń ulttyq quramanyń 5 boksshysy Fınlıandııa eliniń astanasy Helsınkıde jalaýy jelbireıtin «GeeBee» halyqaralyq týrnırinde baq synaıdy. Atap aıtar bolsaq, Nurbol Qaljanov (56 keli), Sadrıddın Ahmedov (69 keli), Tursynbaı Qulahmet (75 keli), Bekzat Nurdáýletov (81 keli) pen Nurlan Saparbaı (91 keli) jarys jolyna shyǵady.
