Bakýdegi alapat órtten 25 adam qaza tapty

ASTANA.QazAqparat - Ázerbaıjan astanasy Bakýdegi Respýblıkalyq narkologııa ortalyǵynda bolǵan órtten 25 adam qaza tapty, dep habarlaıdy trend.az.

Búgin 06:10-da Baký qalasynyń Hataın aýdanyndaǵy Respýblıkalyq narkologııa ortalyǵynda úlken órt boldy. Málimetke sáıkes, ǵımarat ishindegi 55 adamnyń 30-y qutqarylǵan. 3 adam Respýblıkalyq toksıkologııa ortalyǵyna jetkizildi.

Oqıǵa ornyna qutqarý qyzmetiniń mamandary saǵat 08:30 da jetip, tilsiz jaýdy tolyqtaı aýyzdyqtady. Órtten 25 adam ajal qushty.

Qazir jergilikti prokýratýra oryn alǵan faktige baılanysty qylmystyq is qozǵap, jedel tergeý toby jumysqa kirisip ketti.

Bastapqy málimetterge sáıkes, órt ǵımarattaǵy aqaýly elektr jelilerinen  shyqqan.

Júrgizilip jatqan jumystar memleket basshysynyń jiti nazarynda.

Foto:www.salamnews.org