Bakýdegi sammıtte Qazaqstan jasyl energetıkaǵa shamamen 3,7 mlrd dollar ınvestıtsııa tartty
ASTANA. KAZINFORM – Qazaqstannyń energetıka mınıstri Almasadam Sátqalıev Bakýde (Ázerbaıjan) BUU-nyń Klımattyń ózgerýi jónindegi negizdemelik konventsııasynyń 29-shy klımattyq sammıty «jasyl» energetıkany damytý salasyndaǵy halyqaralyq kompanııalarmen jáne damý ınstıtýttarymen yntymaqtastyq týraly birqatar qujatqa qol qoıdy.
Atap aıtqanda, Energetıka mınıstri Qazaqstan Energetıka mınıstrligi men Azııa Damý Banki (ADB) arasynda ózara túsinistik týraly Memorandýmǵa qol qoıdy.
Qujat maqsaty kómir stantsııalaryn paıdalanýdan shyǵarýdy jedeldetý jáne jańartylatyn energııa kózderin paıdalanýdy ulǵaıtý, energııa tıimdiligin arttyrý jáne elektr energııasy men jylý energııasyn óndirýde jańa tehnologııalardy engizý bolyp tabylatyn ADB (EÚP) energetıkalyq aýysý tetigi arqyly kómirtegi beıtaraptyǵy jónindegi maqsattarǵa qol jetkizýdegi yntymaqtastyqty kózdeıdi.
Qol qoıylǵan qujattardyń qatarynda Qytaı Halyq Respýblıkasynyń Úkimetimen jańartylatyn energııa kózderi salasyndaǵy jobalardy iske asyrý týraly kelisim de bar, ol Taraptar arasyndaǵy jańartylatyn energııa kózderi salasyndaǵy jobalardy ilgeriletý, ázirleý jáne iske asyrý, Qazaqstan Respýblıkasynyń aýmaǵynda ornyqty damý, ekologııalyq taza tehnologııalarǵa kóshý jáne shyǵaryndylardy qysqartý arqyly jahandyq jylynýǵa qarsy kúreste ózara is-qımyldy kózdeıdi. Osy jobalar boıynsha ınvestıtsııalar somasy 2 mlrd AQSh dollarynan asady dep boljanyp otyr.
Sondaı-aq Qazaqstan Respýblıkasynyń Jambyl oblysyndaǵy jel elektr stantsııasynyń jobasyna qatysty ABU DHABI FUTURE ENERGY COMPANY PJSC (MASDAR) kompanııasymen ınvestıtsııalar týraly kelisim jasaldy. Osy joba boıynsha ınvestıtsııalardyń kútiletin somasy 1,5 mlrd AQSh dollaryn quraıdy.
Bul qujat jańartylatyn energııa kózderiniń jobalaryn damytý, «jasyl aýysýdy» iske asyrý, kómirtegi emıssııasyn qysqartý jáne klımattyń ózgerýine qarsy kúres maqsatynda BAÁ-men qol qoıylǵan úkimetaralyq kelisimdi iske asyrý sheńberinde jasaldy.
Sonymen qatar konferentsııa aıasynda Qazaqstannyń energetıka mınıstri BUU EEK, ACWA Power jáne Masdar, ADB kompanııalarynyń ókilderimen birqatar kezdesýler ótkizdi.
Áńgimelesý barysynda A. Sátqalıev energetıka sektoryndaǵy jańa bastamalar sheńberinde yntymaqtastyqty jalǵastyrý týraly nıetin bildirdi.
«Qazaqstan JEK sektorynyń ınvestıtsııalyq tartymdylyǵyn arttyrý úshin zańnamalyq bazany belsendi túrde jańartýda. Bizdiń elimiz árqashan ashyq jáne belsendi yntymaqtastyqqa daıyn», - dep atap ótti mınıstr.
Anyqtama: BUU-nyń Klımattyń ózgerýi týraly negizdemelik konventsııasy (SOP29) taraptary konferentsııasynyń 29-shy sessııasy Bakýde 11-22 qarasha aralyǵynda ótedi. COP29 aıasynda 12-13 qarashada eń joǵary deńgeıdegi is-shara-Klımattyq qyzmet boıynsha Álemdik kóshbasshylar sammıti ótedi.
