Bakýde jastar arasynda ótetin bokstan álem chempıonaty sáýirdiń 25-ine aýystyryldy
ASTANA. Sáýirdiń 21-i. QazAqparat /Murat Jakeev/ - Islandııanyń ońtústigindegi janartaýdyń atqylaýy Bakýde jastar arasynda ótetin bokstan 16-shy álem chempıonatynyń josparyna óz túzetýin engizip otyr. Qazaqstannyń quramasy da qatysatyn bul álem birinshiliginiń bastalýy sáýirdiń 25-ine ysyryldy,
dep habarlaıdy Qazaqstannyń Boks federatsııasy.
Federatsııanyń baspasóz qyzmeti taratqan aqparatqa súıensek,
jasóspirimder arasyndaǵy chempıonat Ázirbaıjan elordasynda sáýirdiń 20-synda bastalýy kerek bolǵan. Biraq, Eýropanyń birqatar elderinde áýe qatynasynyń ýaqytsha toqtatylýyna baılanysty, sporttyq sharanyń resmı ashylýyn taǵy birneshe kúnge ysyrý týraly sheshim qabyldanyp otyr.
Bokstan álem chempıonaty Áýesqoı boks halyqaralyq qaýymdastyǵynyń (AIBA) erejesine sáıkes ótedi. Oǵan 17-18 jastaǵy jas sheberler qatysady.
