Bakýde jastar arasynda bokstan álem chempıonaty ótedi
BAKÝ. Sáýirdiń 20-sy. QazAqparat /Arnur Muhametkárim/ - Sáýirdiń 20-sy men mamyrdyń 2-si aralyǵynda Ázirbaıjan elordasynda jastar arasynda bokstan álem chempıonaty ótedi. Bul baıraqty básekege barlyq 11 salmaq sanaty boıynsha qazaqstandyq sportshylar da qatysady.
Álem chempıonaty Áýesqoı bokstyń halyqaralyq qaýymdastyǵynyń (AIBA) tehnıkalyq erejelerine sáıkes ótkiziledi. Jarysqa 17-18 jastaǵy bylǵary qolǵap sheberleri qatysady.
Dopıng-baqylaý AIBA erejesine sáıkes jáne qaýymdastyqtyń medıtsınalyq komıssııasynyń baqylaýymen Dúnıejúzilik antıdopıng kodyna saı ótkiziletin bolady.
