Bakýde Jambyl Jabaevtyń 175 jyldyǵy toılandy

BAKÝ. QazAqparat - Jambyl Jabaevtyń 175 jyldyǵyn atap ótý aıasynda Qazaqstannyń Bakýdaǵy Elshiliginde zııaly qaýym ókilderiniń, stýdentter men qazaq dıasporasynyń qatysýymen merekelik is-shara ótti. QazAqparat bul týraly QR Syrtqy ister mınıstrligine silteme jasap habarlaıdy.

Qazaqstannyń Ázerbaıjandaǵy Elshisi Serjan Ábdikárimov óz sózinde QR Prezıdenti Qasym-Jomart Toqaevtyń Jarlyǵyna sáıkes bıyl halyqaralyq jáne ulttyq deńgeıde Jambyldyń 175 jyldyǵyn toılaý boıynsha birqatar is-shara ótkizilgenin atap ótti. Dıplomat aqynnyń ómiri men shyǵarmashylyǵynyń negizgi kezeńderi týraly aıta kele, J. Jabaevtyń rýhanı murasy barlyq urpaq úshin baǵa jetpes maqtanyshy ekenin jetkizdi. Qoǵamnyń ózekti suraqtaryn kótere alýdyń arqasynda Jambyl halyqtyń esinde máńgi qaldy. Ol tyńdaýshysyn óziniń epıkalyq baıandamasynyń ádemiligi, tereńdigi men názik ishki mátinimen árqashan baýrap alatyn.

Jambyldyń shyǵarmalary álemniń 40-tan astam tiline aýdarylyp, búkil álemge tanymal alǵashqy qazaq aqyndarynyń biri boldy.

Sondaı-aq Elshi Jambyl Jabaevty qazaq dalasynyń «Gomery» dep ataıtynyn jetkizdi. Onyń búkil murasy qazaq halqynyń, túrki jáne álemdik mádenıettiń rýhanı qazynasynyń altyn qoryna endi.

Qonaqtarǵa 1996 jylǵy «Qazaqfılm» kınostýdııasynyń «Jambyldyń jastyq shaǵy» fılmi kórsetildi. Іs-shara aıasynda ázerbaıjandyq tilshiler M.Kasýmova, R.Gasymov jáne I.Fatalıev Qazaqstan týraly úzdik reportajy úshin QR SІM jáne qazaqstandyq Bas redaktorlar klýbynyń prezıdenti B.Jeksenbaıdyń alǵys hattarymen marapattaldy.