Bakýde Túrki memleketteri ortalyq bankteri keńesiniń ekinshi otyrysy ótti
ASTANA. KAZINFORM — Qazaqstan Ulttyq Banki ókilderi Bakýde ótken Túrki memleketteri uıymyna múshe memleketterdiń ortalyq (ulttyq) bankteri keńesiniń ekinshi otyrysyna qatysty. Bul týraly banktiń baspasóz qyzmeti málim etti.
Kezdesýde qatysýshylar:
- aqsha-kredıt saıasatynyń ózekti máselelerin;
- jahandyq jáne aımaqtyq syn-qaterge den qoıý sharalaryn;
- qarjylyq turaqtylyqty qamtamasyz etý tetikterin;
- tsıfrlyq qarjy ekojúıelerin damytý baǵyttaryn;
- qarjy tehnologııalarynyń róli men olardyń ortalyq bankter qyzmetine yqpalyn talqylap, pikir almasty.
— Qazaqstan Respýblıkasynyń Ázerbaıjandaǵy Elshisi Álim Baıel qatysýshylardy Qazaqstan Ulttyq Bankiniń Tóraǵasy Tımýr Súleımenovtiń atynan quttyqtap, túrki memleketteriniń ortalyq bankteri arasyndaǵy yntymaqtastyqqa joǵary baǵa berdi. Sonymen qatar Qazaqstan Ulttyq Bankiniń ókilderi Keńes múshelerin elimizdiń negizgi aqsha-kredıt retteýshisiniń qazirgi qyzmeti týraly habardar etti, — delingen habarlamada.
Jıyn qorytyndysy boıynsha qol jetkizilgen ýaǵdalastyqtar men aldaǵy yntymaqtastyqtyń negizgi baǵyttaryn qamtıtyn Kommıýnıke qabyldandy.
Keńestiń kelesi otyrysy 2027 jyly Túrkııada ótedi.
Aıta keteıik, Ulttyq bank 2026 jylǵy ınflıatsııa boljamyn ózgertti.
