Bakýde «Transkaspıı halyqaralyq kólik baǵdaryn» damytý máselesi talqylandy

ASTANA. QazAqparat - 1 sáýirde Bakýde «Qazaqstan temir joly» UK» AQ prezıdenti Qanat Alpysbaevtyń tóraǵalyǵymen «Transkaspıı halyqaralyq kólik baǵdary» Qaýymdastyǵy basqarmasynyń kóshpeli otyrysy men jalpy jınalysy ótkizildi.

Basqarmanyń otyrysy men Qaýymdastyq quryltaıshylarynyń jalpy jınalysynda 2017 jyly atqarylatyn sharalardy uıymdastyrýdyń ishki tártibi qujattary bekitildi. Sonymen qatar Basqarma men Qaýymdastyq quramyna ózgerister engizilip, baǵdardy damytýdyń jumys toby bekitildi. Sondaı-aq basqa da aǵymdaǵy máseleler talqylandy.

«Transkaspıı halyqaralyq kólik baǵdary» halyqaralyq qaýymdastyǵy» ZTB 2017 jyly aqpan aıynda Astana qalasyndaǵy (Qazaqstan) shtab páterinde óz jumysyn bastady.

Qaýymdastyqtyń negizgi maqsaty TKHKB-na júkti tranzıttik jáne syrtqy tasymaldaýǵa tartý bolyp tabylady. Balamaly baǵdarlarǵa básekelestikti qamtamasyz etedi. TKHKB aýmaǵyna logıtıkalyq ónimderdi yqpaldastyrýdy damytady, tıimdi jáne tarıftik saıasatty qalyptastyrady.

Aıta keteıik, «Transkaspıı halyqaralyq kólik baǵdary» halyqaralyq qaýymdastyǵy» ZTB quryltaıshylary «Qazaqstan temir joly» UK» AQ, «Ázerbaıjan temirjoldary» JAQ, «Grýzın temirjoldary» AQ, «Aqtaý halyqaralyq teńiz saýda porty» Ulttyq kompanııasy» AQ, «Ázerbaıjan Kaspıı teńiz keme qatynasy» JAQ, «Baký halyqaralyq teńiz saýda porty» JAQ, «Batýmı teńiz porty» AQB bolyp tabylady.