Bakýde TMD men Baltyq elderiniń ulttyq Olımpıada komıtetteri basshylarynyń forýmy ótedi
KÝ. 20 qazan. QazAqparat /Berik Hamıdov/ - Búgin Bakýde Halyqaralyq olımpıada komıteti (HOK) pen «Olımpıadalyq yntymaqtastyq» uıymynyń patronajymen Táýelsiz memleketter dostastyǵy men Baltyq elderi ulttyq Olımpıada komıtetteri basshylarynyń ústimizdegi jyldyń 22 qazanyna deıin sozylatyn aımaqtyq forýmy jumysyn bastady.
Forýmda TMD-nyń 12 eli men úsh Baltyq memleketiniń ókilderimen qatar Sochıdegi qysqy Olımpıada oıyndarynyń uıymdastyrý komıtetiniń ókilderi de qatysady dep kútilýde.
Forýmda túrli taqyryptarda baıandamalar tyńdalatyn bolady. Baký ózge eldermen qatar 2020 jylǵy 32-inshi Olımpıada oıyndaryn ótkizýge úmitkerlerdiń qatarynda ekenin eske alsaq, sharanyń ekinshi kúninde qatysýshylardyń Bakýdegi Olımpıadalyq keshender men sporttyq nysandarmen tanysýy josparlanyp otyr.
