Bakýde stýdentter arasyndaǵy álem chempıonatynda qazaqstandyq boksshylar tórt «qolany» qanjyǵasyna baılady
ASTANA. 22 qarasha. QazAqparat - Bakýde stýdentter arasyndaǵy álem chempıonatynda qazaqstandyq boksshylar tórt «qolany» qanjyǵasyna baılady, dep habarlady Vesti.kz.
Qazaqstandyqtar barlyq salmaq sanattary boıynsha saıysqa tústi, alaıda tórt boksshy ǵana jartylaı fınalǵa jetti. Degenmen olardyń birde-bireýi fınalǵa shyǵa almady. 49 kelige deıingi eń jeńil salmaqta Túrkııa ókili Ferhat Pehlıvanmen jartylaı fınalda qolǵap túıistirgen Oljas Baınııazov 7:14 esebimen ese jiberdi.
69 kelige deıingi sanatta Abylaıhan Muratov qarsylasyna nebári eki upaı ǵana utyldy. Onyń ústine tóreshiler Muratovtyń qarsylasy - ázirbaıjandyq Tamerlan Abdýllaevqa búıregin buryp, jeńisti alyp bergendeı boldy. Sóıtip, jarys qojaıyny chempıon atandy.
Abzal Quttybekov (75 keli) fınal úshin saıysynda 4:8 esebimen utylyp, týrnırdiń kúmis júldesine ıe bolǵan reseılik Ámir Súleımenovke jol berdi.
Tórtinshi, sońǵy qola medalǵa Erasyl Seıfoldanov (81 kelige deıin) ıe boldy.Seıfoldanovtyń sońǵy aıqasy reseılik Sergeı Nıkıtınmen ótti, ekinshi raýndta qarsylastyń aıqyn basymdyǵyna oraı referı saıysty toqtaty.
Stýdentter arasyndaǵy álem chempıonaty. Baký, Ázirbaıjan.
49 keli
1.Salman Alızade (Ázirbaıjan)
2.Ferhat Pehlıvan (Túrkııa)
3.Oljas Baınııazov (Qazaqstan), Magomed Ibıev (Reseı)
69 keli
1.Tamerlan Abdýllaev (Áshirbaıjan)
2.Onýr Sıpal (Túrkııa)
3.Abylaıhan Muratov (Qazaqstan), Evgenıı Koshkarov (Reseı)
75 keli
1.Emıl Ahmadov (Ázirbaıjan)
2.Ámir Súleımanov (Reseı)
3.Abzal Quttybekov (Qazaqstan), Taras Makarov (Ýkraına)
81 keli
1.Aleksandr Ganzýlıa (Ýkraına)
2.Sergeı Nıkıtın (Reseı)
3.Erasyl Seıfoldanov (Qazaqstan), Vatan Gýseınlı (Ázirbaıjan)
