Bakýde sport gımnastıkasynan ótetin álem kýbogyna Qazaqstannan 4 sportshy qatysady
BAKÝ. QazAqparat - Ázerbaıjannyń astanasyndaǵy Ulttyq gımnastıka arenasynda FIG serııasy boıynsha sport gımnastıkasynan erler men áıelder arasynda Álem kýbogy ótedi, dep habarlaıdy «QazAqparat» HAA-nyń Bakýdegi tilshisi.
Jarysqa 23 eldiń sportshylary qatysady. Kásiptik jarystar ótedi, keıinnen jeke snarıadtar boıynsha fınaldar bolady.
«Qazaqstan quramasynan tórt sportshy el namysyn qorǵaıdy. Dáýlet Narmetovke úmit artýdamyz. Ol kone-mah jattyǵýyna qatysady. Narmetov at jattyǵýy boıynsha Máskeýde ótken halyqaralyq týrnırde Mıhaıl Voronın júldesin jeńip aldy. Qazirgi tańda ol jaqsy kúıde. Sondaı-aq, eki jas sportshy - Danıl Batýrın men Vıacheslav Kım qatysady. Batýrınniń bizdiń ulttyq qurama quramynda óner kórsetip júrgenine bir jylǵa taıap qaldy, jaqsy kórsetkishter kórsetip júr. Kım eń jas sportshy, quramaǵa aǵymdaǵy jyldyń qańtar aıynda kirdi», - dedi sport gımnastıkasy boıynsha QR ulttyq quramasynyń bas bapkeri Erlan Uzaqov.
Sondaı-aq ol atap ótkendeı, jarys aıaqtalǵannan keıin Aleksandr Kım, Narmetov pen Batýrın Dohaǵa (Katar) ushady. Onda álem kýbogynyń kelesi kezeńi boıynsha baq synasady.
