Bakýde shaǵyn fýtboldan 2012 jylǵy Eýropa chempıonatynyń irikteý kezeńi ótedi
ALMATY. 21 aqpan. QazAqparat /Erlik Erjanuly/ - 24-27 aqpan kúnderi Bakýde shaǵyn fýtboldan 2012 jylǵy Eýropa chempıonatynyń irikteý kezeńiniń jarystary ótedi.
Baký sport saraıyndaǵy bul dodada qazaqstandyqtar 1-topta Ázirbaıjan, Ispanııa jáne Frantsııa quramalarymen synǵa túsedi. Bas bapker Ámirjan Muqanov ulttyq quramaǵa 14 sportshyny tartyp otyr. Olardyń toǵyzy «Tulpar» komandasynyń (Dáýren Nurǵojın, Serik Jamanqulov, Shyńǵys Esenamanov, Roman Shorın, Nıkolaı Pengrın, Pavel Taký, Mıhaıl Pershın, Aleksandr Dovgan, Konstantın Peremyshlın), úsheýi «Aıat» klýbynyń (Grıgorıı Shamro, Tımýr Myrzabaev, Nıkolaı Kazakov) ekeýi «Qaırat» komandasynyń( Dinmuhamed Súleımenov, Vıtalıı Aleksandrov) músheleri. Qazaqstandyqtar alǵashqy oıynyn jarys qojaıyndarymen, al odan keıingi 2 kezdesýin Ispanııa men Frantsııa aıaqdoshylarymen ótkizedi.
