Bakýde saılaýshylar 100% daýys berdi

BAKÝ. QazAqparat - Baký ýaqytymen 20:00-ge qaraı Qazaqstannyń Ázerbaıjandaǵy Elshiliginiń janyndaǵy №262 saılaý ýchaskesinde daýys bergen saılaýshylardyń úlesi 100 paıyz boldy, dep habarlaıdy «QazAqparat» HAA-nyń menshikti tilshisi.

Saılaý komıssııasy ókilderiniń aıtýynsha, Qazaqstan azamattary ýchaske ashylysymen-aq kele bastaǵan.

Alǵashqylardyń qatarynda Bakýde turǵan sportshylar daýys berýge keldi.

Budan tys, osy elde qyzmet babymen, jeke sharýalarymen júrgen QR azamattary, týrıster, bıznesmender de daýys berdi.

Ázerbaıjannyń Qazaqstan azamattary úshin tanymal týrıstik baǵdarlardyń biri bolǵanyn eskere otyryp, QR elshiliginiń uıymdastyrýymen QR jáne ÁR arasyndaǵy turaqty áýe reısterinde barlyq qajetti aqparattar jarııalandy.

Budan tys, saılaý ýchaskesinde halyqaralyq baıqaýshylar da jumys istedi.