Bakýde parlamentshi áıelderdiń halyqaralyq konferentsııasy ótip jatyr
Májilis depýtaty Gúljan Qaraǵusova bastap barǵan qazaqstandyq delegatsııa quramynda Senattyń Áleýmettik-mádenı damý jáne ǵylym komıtetiniń múshesi Dınar Nóketaeva da bar.
Mıllı Medjlıs tóraǵasynyń orynbasary Bahar Muradovanyń shaqyrýy boıynsha konferentsııaǵa Qazaqstan, Qyrǵyzstan, Túrkııa Parlamentteriniń delegatsııalary, Túrik murasy men mádenıeti halyqaralyq qorynyń Prezıdenti, Ázirbaıjan Respýblıkasy mınıstrlikteri men mekemeleriniń, Túrik keńesi men Halyqaralyq túrik akademııasynyń, Ázirbaıjannyń ǵylymı jáne qoǵamdyq ortalarynyń ókilderi qatysýda.
Konferentsııa qatysýshylarynyń aldynda sóz alǵan senator D.Nóketaeva kez kelgen qoǵamnyń áleýmettik dińgegi retinde berik otbasyny saqtap qalýdyń mańyzyn atap ótti. Sondaı-aq, Senat depýtaty Qazaqstanda genderlik teńdikti qamtamasyz etý jáne otbasyny qorǵaý jónindegi ulttyq strategııanyń negizgi erejeleri týraly aıtyp berdi. Onyń aıtýynsha, otbasynyń ekonomıkasy myqty bolǵan saıyn qoǵamnyń ózindik tartymdy mádenı ereksheligin saqtaý múmkindikteri basym bolady.
