Bakýde «Otyrar sazy» orkestriniń gala-kontserti ótti
Shara Qazaqstan men Ázerbaıjan arasyndaǵy dıplomatııalyq qatynastardyń 25 jyldyǵyna oraı uıymdastyryldy, dep habarlaıdy «QazAqparat» HAA-nyń Ázerbaıjandaǵy menshikti tilshisi.
Kontserttiń ashylý rásiminde sóz sóılegen Qazaqstannyń Ázerbaıjandaǵy elshisi Beıbit Isabaev Memleket basshysy Nursultan Nazarbaevtyń aǵymdaǵy jyldyń sáýir aıynda jasaǵan resmı sapary barysynda qol jetkizilgen Qazaqstan jáne Ázerbaıjan prezıdentteriniń eki el arasyndaǵy mádenı baılanystardy nyǵaıtý týraly kelisimderiniń arqasynda osynaý mańyzdy shara ótkizilip otyrǵanyn málim etti. Sondaı-aq bul kontserttiń ázerbaıjan jurtshylyǵyna qazaq halqynyń baı mýzykalyq mádenıetinen sýsyndaý múmkindigin beretinin aıtty.
Óz kezeginde Ázerbaıjannyń mádenıet jáne týrızm mınıstriniń orynbasary Adalıat Velıev eki eldiń mádenı baılanystaryn odan ári tereńdetý, osy baǵyttaǵy mańyzdy sharalardy úzbeı ótkizip otyrý qajettigin atap ótip, Ázerbaıjan keler jyly belgili shyǵarmashylyq ujymdardyń Qazaqstanǵa saparyn uıymdastyrýdy josparlap otyrǵanyn málimdedi.
Orkestrdiń kontsertine kórermen qaýym zor qoshemet kórsetti.
